Ma erken skokkende seksdade met haar kinders

Lees ook:
Ma gevonnis na seksdade met kinders

Die ma en pa tydens hul hofverskyning. Foto: Daniëlla van Heerden/eNuus

Die ma en pa tydens hul hofverskyning. Foto: Daniëlla van Heerden/eNuus

‘n Vrou van Noordwes het Maandag in die Rustenburg-landdroshof erken dat sy onder meer haar seun verkrag het en haar gestremde dogter op ‘n bed vasgedruk het sodat die kind se pa haar kon verkrag.

eNuus berig dat die vrou tereg staan op meer as 30 aanklagte. Daniëlla van Heerden, eNuus se verslaggewer wat die hofverrigtinge bywoon, sê die ma het beken dat sy haar kinders tussen 2007 en 2009 seksueel misbruik het en hulle verwaarloos het.

Die ma het in ‘n verklaring wat aan die hof voorgelees is, ook erken dat sy haar gestremde dogter gedwing het om te kyk hoe sy en haar man [die kind se pa] seks het.

In haar verklaring erken sy dat sy haar negejarige seun verkrag het en hom gedwing het om met sy sussies, onderskeidelik sewe en 15 jaar oud, seks te hê. Sy voer aan dat sy dit gedoen het om haar seksdrang te bevredig.

Volgens eNuus se verslaggewer het die ma se regsverteenwoordiger begin huil nadat sy die verklaring aan die hof voorgelees het.

Die hof het ook gehoor dat die ma se ouers geskei is en dat sy deur haar ma verwerp is. Sy is glo deur haar ooms verkrag en het op 15-jarige ouderdom van die huis af weggeloop en met die pa van haar kinders getrou.

Die pa ontken intussen die aanklagte teen hom. Sy saak is tot 5 September uitgestel en daar is gelas dat hy vir sielkundige waarneming gestuur moet word.

Die hofverrigtinge duur voort.

Vir meer besonderhede oor vandag se hofverrigtinge kyk vanaand eNuus om 19:00 op kanaal 144 en 145 op DStv.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
estelle

siek, siek, siek, siek!!!

Riana

Ek kan nie Glo wat ek lees nie … Wêreld raak al hoe sieker & sieker

Amelia

Gee haar vir my, ek sal weet wat om met haar te doen!

Marie

Hierdie is mos nie mense nie, dis barbaars om die minste te se! Ag nee sies!

Willa

Ek staan verstom!!!!