Ma ernstig beseer toe sy kind tydens plaasaanval beskerm

Waarskuwing: Die foto onderaan die berig is grafies van aard en mag sensitiewe lesers ontstel.

Argieffoto: SAPD/Facebook

ʼn Vrou is ernstig beseer nadat sy Maandagoggend haar dogter teen ʼn aanvaller op ʼn plaas buite Stanger in KwaZulu-Natal beskerm het.

Inligting oor die voorval is tans nog baie skraps.

Paul Herbst, woordvoerder van IPSS Medical Rescue, sê ʼn enkele aanvaller gewapen met ʼn mes het glo in die kombuis toegang tot die huis verkry. “Die ma het haarself voor die aanvaller in gegooi om haar kind te beskerm,” het Herbst gesê.

“Die ma het ernstige beserings opgedoen, terwyl haar dogter daarin kon slaag om in die huis weg te kruip. Die dogter is ongedeerd.”

Volgens Herbst het die aanvaller op die vlug geslaan toe die ma en haar dogter se gille die bure se aandag getrek het. Dit is nie in dié stadium duidelik of enigiets uit die huis gesteel is of wie almal ten tyde van die voorval in die huis was nie.

ʼn Woordvoerder vir die KwaZulu-Natalse polisie het die voorval aan Maroela Media bevestig, maar gesê polisiebeamptes is steeds op die toneel besig. Meer inligting sal later bekendgemaak word.

Die toneel in die kombuis waar die vrou aangeval is. Foto: IPSS Medical Rescue

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Anoniem

Gaan klop by Mnr Julius Malema se deur want die 28’s het hom uit die tronk gepiemp ! Ondersoek HOM, Hy weet meer as wat Hy voorgee ???

Oujongvrou

Die regerende partb van die land maak eenvoudig of daar niks is om oor bekommerd te wees nie. Hier word meer mense in hierdie helhool daagliks doodgemaak as in n oorlog. Wat n absolute skande. Maar hulle bekommer hulle oor skurke wat in oorseese tronke sit. ☹dis al wat hulle bekommer. Dat die gemene boewe van hierdie samelewing gerieflik is.

Liberaal

Omns liberaliste sal dit nie tyoelaat nie want ons beskerm aanvallers, dis die polities korrekte ding om nie te dink aan die lot van die slagoffers nie maar net aan die vryheid van die aanvallers. Dis liberale waardes vir die wereld.

Lourens

Agri Sa gaan seker se dit het nie gebeur nie.

Marlene Hanekom

Die dogter is fisies ongedeerd maar ek belowe sy het emosinele skade opgedoen. Mag sy daardie skade in oorwinnig omkeer en dit gebruik op ‘n positiewe wyse op die dag van afrekening. Sterkte aan die gesin. What does not kills you makes you stronger !