Ma glo in motor verwurg

Kavitha Nerputh (41). (Foto: Facebook)

ʼn Sakevrou en ma van drie is oënskynlik in haar motor in ʼn straat in Pietermaritzburg vermoor.

Die vrou is as Kavitha Nerputh geïdentifiseer. Haar liggaam is Maandag om 19:30 in haar motor in Alexandraweg in Scottsville ontdek.

“Die 41-jarige vrou is vermoedelik verwurg. Die motordeure was gesluit en die polisie moes ʼn agterdeur oopbreek om die liggaam te verwyder,” het kol. Thembeka Mbele, polisiewoordvoerder in KwaZulu-Natal, gesê.

Tientalle boodskappe van medelye is intussen op Nerputh se Facebook-blad geplaas. Haar dood is beskryf as ʼn groot verlies vir haar familie en vriende.

Die Alexandra-polisie ondersoek die voorval, maar niemand is nog in verband met die moord in hegtenis geneem nie, het Mbele gesê.

The Witness het berig volgens ʼn bron was Nerputh netjies geklee in ʼn swart broek en formele bostuk, hoëhakskoene en juwele. Haar handsak, beursie en juwele was volgens die koerant onaangeraak.

Die koerant het verlede jaar ook berig Nerputh het ʼn beskermingsbevel teen ʼn voormalige vriendin gekry, nadat dié vals profiele op Facebook geskep het waarin sy onder meer na Nerputh as ʼn prostituut verwys het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
toy

Begin by die (vriendin), nee wat sulke vriendinne het mens nie nodig wat jou so sleg maak nie.

Watse sake

En watse tipe ‘sake’ het dié sakevrou bedryf?

Sandy

Ja nee, verwurging is persoonlik. Want ek meen, mens moet die persoon letterlik in die oe kyk as jy haar nie van agter verwurg nie, en wie kan dit sonder ‘n gewete doen. Maar die polisie sal eerste begin by die sogenaamde vriendin wat die strooi op Facebook geplaas het.

Mandy

Keprilisa, why always go the the Racist way…. yes if she was white the same questions would have been asked.

Sooo hartseer

Mense vergeet net 1 oomblik jul nuuskierigheid en rasisme storietjies. ‘n Pragtige vrou is skielik vermoor, sy het kinders wat nie meer hul geliefde Moeder het nie. Alles wat mense kwytraak is nie noodwendig rassisme nie, party mense het net baie meer vrye tyd as ander en raak vervelig. Party mense gaan soek die fout by die slafoffer………. Die “bottom line” is, niks regverdig die dood van ‘n ander mens, so dit maak nie saak wat sy gedoen het nie, sy lyk netjies en versorg haar kinders……..