Ma in hof ná seun (2) se moord

Argieffoto

Tania Mandinda Dube (40), die ma wat Woensdag in Limpopo in hegtenis geneem is in verband met die moord op haar tweejarige seuntjie, het Donderdag in die hof verskyn.

Konst. Mienkie Ramakgoakgoa, polisiewoordvoerder, het gesê die saak is tot 3 Oktober uitgestel vir verdere ondersoek. Die ma bly in aanhouding tot dan. Sy staan tereg op aanklag van moord.

Maroela Media het vroeër berig Dube is Woensdag in die vroeë oggendure in die Lwamondo-nedersetting in Vuwani in hegtenis geneem.

“Die ma het na bewering saam met haar drie kinders in haar kamer geslaap. ʼn Familielid het omstreeks 02:00 wakker geword nadat sy bloedstollende gille gehoor het. Sy het gaan ondersoek instel en op die vrou afgekom waar sy by die ingang van die huis langs haar kind se liggaam gesit het,” het die polisie gesê.

Die polisie is ontbied en het spoedig gereageer. “Die polisie het met ʼn voorlopige ondersoek begin wat tot die ma se inhegtenisneming gelei het.”

Die motief vir die moord is nie bekend nie en word ondersoek. Die oorsaak van die kind se dood is ook nog nie bekend nie. ʼn Nadoodse ondersoek sal gedoen word om dit vas te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Albaster ·

Ons land, onder andere hierdie area van Vuvani wat so gereeld vir chaos in die nuus is, begin nou al soos van die ergste dele van Afrika word.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.