Ma in hof oor moord op vier kinders

Zinhle Maditla in die Witbankse landdroshof. Foto: ANA

’n Vrou wat aangekeer is nadat sy glo haar vier kinders in Klarinet in eMalahleni, Mpumalanga, vermoor het, het Maandag in verband met dié moorde in Witbank se landdroshof verskyn.

Zinhle Maditla (24) het vlugtig voor landdros Darleen Venter verskyn toe sy gevra het om ʼn regshulpprokureur te kry. Sy bly in aanhouding tot die saak weer op 14 Januarie vir haar borgtogaansoek voorkom.

Maditla is op 30 Desember in hegtenis geneem toe sy haarself in die Vosman-polisiestasie oorgegee het. Dit was pas nadat die ontbinde liggame van haar kroos – twee meisies (onderskeidelik 4 en 8 jaar) en twee seuns (onderskeidelik 7 jaar en 11 maande) – in die kamer gekry is wat sy in die woonbuurt Klarinet huur.

Haar huisbaas, Matilda Mahlangu, het aan African News Agency gesê dat sy en nog huurders die deur van die kamer afgebreek en op die oorskot afgekom het nadat hulle ʼn slegte reuk op die erf geruik en vlieë tussen die gordyne en vensters gesien het.

Brig. Leonard Hlathi, polisiewoordvoerder, het Maandag buite die hof gesê Maditla is die aand van 30 Desember in die hospitaal opgeneem nadat die polisie gesien het dat sy “swak” was. Hy sê die ondersoek duur voort.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Uiltjie

Dit lyk na erge depressie. Sy is so jonk. Sterkte aan naasbestaandes.

Gewalg

Hierdie maak my woedend! Ek het nie woorde nie. 24 jaar oud? 4 kinders?
Mag God haar genadig wees!

Andrea

So jonk en so baie kinders… Hoop sy kry nie meer nie… Hulle het nie n goeie kans op oorlewing nie.

Sê maar net

En dit is hoekom LO weggevat moet word op skool en daai geld eerder spandeer word op voorbehoedding. Inspytings vir almal! Kinders met kinders is ons ondergang

maggie

hoe het sy haar kinders dood gemaak? depresie kani altyd skuld kry ni