Salatchee Venilla Basanich (55) en haar dogter Patricia Kershie Ishwalal (31) staan tereg op aanklag van moord. Hulle is in hegtenis geneem nadat Naidoo op 20 November deur paramedici dood verklaar is.
Die hof het tydens die vroue se vorige verskyning gehoor dat Ishwalal in ʼn motorongeluk was en dat dit daartoe gelei het dat sy onbekwaam verklaar is om haar eie sake te hanteer.
Die twee vroue sou aansoek doen om borgtog, maar Vijay Sivakumoor, Ishwalal se regsverteenwoordiger, het aangedui dat hulle borgtogaansoeke vir eers nie voortgaan nie. Hy het versoek dat sy kliënte se geestesgesondheid geëvalueer moet word. Die aansoek is nie teengestaan nie.
Landdros Busisiwe Lily Mpungose het beveel dat die twee vroue in isolasie aangehou moet word by die Westville-gevangenis tot daar beddens beskikbaar is by die Fort Napier-hospitaal waar hulle geëvalueer sal word.
Staatsaanklaer Lolly Soobramoney het gewaarsku dat dit maande kan neem voor daar beddens by die Fort Napier-hospitaal beskikbaar sal wees.