Ma, pa verdrink naby Zimbali

Argieffoto van die strand by Zimbali Foto: Zimbali Ocean Villas

Argieffoto van die strand by Zimbali Foto: Zimbali Ocean Villas

ʼn Ma en pa is Saterdag dood en hul dogters word in die hospitaal behandel ná ʼn verdrinkingsvoorval op die strand naby Zimbali-noordhek in KwaZulu-Natal.

“Ooggetuies het verduidelik die ma en haar twee dogters, onderskeidelik 23 en 16 jaar oud, het in die water in die moeilikheid beland en die pa is agterna om hulle te probeer help,” het Chris Botha, woordvoerder van Netcare 911, in ʼn verklaring gesê. “Die pa het ook in die moeilikheid beland en lewensredders het hulle uit die water gehaal.”

Die ma en die pa was reeds dood toe paramedici by die toneel opgedaag het. “Die 23-jarige dogter was in ʼn ernstige toestand en die 16-jarige was kritiek. Hulle is op die toneel gestabiliseer voordat die 16-jarige met ʼn helikopter na ʼn hospitaal geneem is,” het hy bygevoeg. Die 23-jarige is met ʼn ambulans na ʼn plaaslike hospitaal geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae