“Die ma en seun is op die toneel dood verklaar. In die stadium is die oorsaak van die brand nog onbekend maar ons ondersoekspan is op die toneel,” het Robert Mulaudzi, woordvoerder van die nooddienste, gesê. Die brand het omstreeks middernag uitgebreek.
Intussen het minstens 12 plakkershutte in Mzimhlophe in Soweto afgebrand. Die brand het omstreeks 01:00 Maandagoggend uitgebreek. “Niemand is beseer nie en die oorsaak van die brand word ondersoek. Ons rampbestuurbeamptes is ontbied om hulp te verleen aan die families wat geraak is,” het Mulaudzi gesê.