Ma, twee kinders in huis doodgeskiet

polisie-huisroof-crime

Argieffoto: SAPD/Facebook

ʼn Ma en haar twee tienerkinders is Donderdagoggend in hul huis in Vanderbijlpark in Gauteng doodgeskiet.

Kapt. Tsekiso Mofokeng, provinsiale polisiewoordvoerder, het aan Maroela Media gesê daar word beweer dat die pa omstreeks 04:00 in die motorhuis besig was toe hy skote in die huis gehoor het.

“Volgens die man het hy gaan ondersoek instel en toe hy naby die huis kom, is hy deur ʼn gewapende man gekonfronteer. ʼn Struweling het ontstaan waartydens die verdagte sy vuurwapen laat val het. Die verdagte kon daarin slaag om los te kom toe ʼn medepligtige ook uit die huis gestorm het. Die twee mans het op die vlug geslaan,” het Mofokeng gesê.

Mofokeng het gesê die man het gaan ondersoek instel en sy 41-jarige vrou, hul 17-jarige dogter  en 14-jarige seun  dood in die huis aangetref. Hulle het al drie skietwonde aan die bolyf opgedoen.

Die polisie is steeds op die toneel om die voorval te ondersoek en om vas te stel of daar iets gesteel is. “Die man is erg getraumatiseerd en ontvang traumabehandeling.”

Die polisie ondersoek ʼn saak van huisroof en moord. Niemand is nog in verband met die voorval in hegtenis geneem nie.

Lees die opvolgberig: Man vas vir Vanderbijlpark-skietery

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Magda

Daai tyd van die oggend besig in sy garage????

Linda

Niemand na die eerste skoot wakker geword nie??

Anel

4h00 in die oggend besig in motorhuis? Dadelik ondersoek instel as jy skoot hoor,gaan jy iemand sien vlug of vang…nie wag vir die hoeveelste skoot voor jy gaan kyk. Ek se nie hy het die sneller getrek,maar beslis sou ek dink hy het iets met dit te doen

Sjoe

Griewastad moord hy was in die stoor toe hy die skote gehoor het en het toe weg gekruip??? Klink vir my maar na dieselfde storie net ‘n ander venue.

adrian

Hoop nie dis weer familiemoord nie tragies