Berenike “Berry” Trytsman, ʼn 31-jarige ma van vier, is pas as die wenner van die 17de seisoen van die gewilde sangkompetisie Idols SA aangekondig.
Trytsman, ʼn Kapenaar, het 12 miljoen stemme verwerf. Sy het met haar eerste oudisie die beoordelaars, Randall Abrahams en Unathi Nkayi, beïndruk met haar weergawe van “Never Enough” uit die musiekblyspel The Greatest Showman.
Kort nadat Trytsman, wat getroud is met die tromspeler Reiner Trytsman, as die nuwe Idols SA-wenner aangewys is, het sy gesê sy is “oorweldig, dankbaar en so gelukkig”.
Trytsman stap onder meer weg met ʼn kontantprys van R1 miljoen, ʼn platekontrak van Kalawa Jamzee Records, ʼn Renault Kiger ter waarde van R269 000, Truworths-geskenkbewyse ter waarde van R100 000, ʼn beurs ter waarde van R260 000 van Regenesys Business School, Yamaha-musiektoerusting ter waarde van R85 000 en ʼn Samsung Galaxy Fold 3-selfoon met die Vodacom Red 1000GB-plan.
Sy het ook haar nuwe Zoeloe-enkelsnit getiteld “Ungowami” gesing. Trytsman is daarvoor geloof dat sy dié Afrikataal met “eerbied en respek” hanteer.
Karabo Mathe van Hebron in Noordwes het die tweede plek verower.
So min as wat ek belangstel in popkultuur en kompetisies – genade dame maar jy kan sing! Baie baie geluk en welgedaan!
Congratulations !!!!!
Ek het net eerste reeks van idols gekyk. Die program het al sy glans al jaaaare terug verloor
Nie geweet daar is nog so kompetisie.
Sjoe, nie die reeks gevolg nie. Maar Mev. Trytsman is nogals iets vir die oog, op n eenvoudige dog sjarmante manier. En dan kan sy nog sing ook. Baie geluk!
Wow!!
Fantasties!
Wonder hoe sou Bob Dylan, Leonard Cohen en Keith Richards in die kompetisie vaar.