Ma vas vir wrede moord op baba

Argieffoto Foto: HeikeIr, Pixabay

WAARSKUWING: Die inhoud in dié berig mag sensitiewe lesers ontstel.

Die polisie het ʼn 35-jarige vrou in hegtenis geneem nadat sy glo haar eie sewe dae oue baba in ʼn plaaslike hospitaal doodgemaak het.

Lt.kol. Moatshe Ngoepe, provinsiale polisiewoordvoerder van KwaZulu-Natal, het Donderdag gesê die voorval het by die Zebediela-hospitaal in Magatle buite Lebowakgomo plaasgevind.

“Die verdagte het by die hospitaal geboorte geskenk en die baba was steeds onder verpleegsorg in die kindereenheid,” het Ngoepe gesê.

“Sy het later in die saal ingegaan en gemaak of sy die kind wil borsvoed. Sy het die baba uit die broeikas gegryp en die verpleegster met die baba aangerand, waarna sy die baba op sy kop teen die grond geslaan het.”

Ngoepe het gesê die baba is op slag dood. Die polisie is ontbied en die vrou is dadelik in hegtenis geneem.

Sy moet binnekort in die Magatle-landdroshof verskyn op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Mathilda`

Ek praat dit geensins goed nie, maar geen mens weet waar deur sommige mammas gaan nie, veral na die geboorte van ‘n kindjie. Ek glo dit was nie haar intensie nie, maar dat sy dalk depressie gehad het. Mag die babatjie in vrede rus!

Ben

Die ma was dalk verkrag gewees en wou nie kind nie gehad het nie? Mense doen nie sommer dinge sonder ‘n rede nou nie. Die waarheid sal wel uitkom.

Seer Hart

My hart is seer…. dan is daar mammas (soos ek) wat baie graag ‘n klein lyfie van haar eie wil vashou en liefhê dan lees mens sulke goed.

Kowa

Hoekom lewer die Polisie van KwaZulu-Natal kommentaar op ‘n voorval wat plaasgevind het in ‘n hospitaal in Limpopo? Sover ek weet is Zebediela en Lebowakgomo in Limpopo nie in Natal nie.

Nene

Indien dit die geval was, kon sy n wettige aborsie oorweeg het of die baba laat opgee het vir aanneming.