Ma verkoop glo gestremde kind aan mans

(Argieffoto)

ʼn Ma van die Oos-Kaap is Woensdag in hegtenis geneem nadat sy glo haar 13-jarige kind met downsindroom verkoop het.

Kapt. Yolisa Mgolodela, woordvoerder van die Valke, sê dié ma het na bewering vroeër die jaar haar downsindroom-kind én haar 15-jarige susterskind aan twee mans met ʼn winkel in Keiskammahoek verkoop. Haar susterskind het by haar gewoon.

“Voorlopige inligting dui daarop dat sy die kinders vir seksuele doeleindes aan die mans verkoop het,” het Mgolodela gesê.

Die vrou en twee mans is Woensdag deur die Valke en die polisie se honde-eenheid in King William’s Town aangekeer.

Die drie verdagtes, onderskeidelik 32, 36 en 42 jaar oud, sal na verwagting Vrydag in die landdroshof in Keiskammahoek verskyn op aanklag van mensehandel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Genis

Liewe aarde! Mens het nie eers woorde nie… Hoop hulle almal kry drie maal lewenslank…

Misky

Hoe wreed en onmenslik is dit nie???? Sy kan nie ‘n “ma” genoem word nie en is die voorreg nie werd nie

Swerwer

Sluit haar en die mans toe en gooi die sleutels weg!!!! Behoede haar dat ek haar nie in die hande kry nie.
Ongelukkig het alles 27 jaar terug verander en moet ons met gestremde kinders baklei vir ons kinders se regte en om ‘n plekkie in ons samelewing te hê. Dit is ons sonskyn kinders, hoe op deesaarde kan sulke goed plaasvind. Sy verdien nie om ‘n ma te wees nie. Daardie gewetenlose verkragters moet
……………………… word!

Jaco

En waar is die kinders nou?

Cindy

ek het nie woorde nie, regtig! :(