Ma vermoor toe sy glo dief betrap

Hilary en Derick van Rooyen. Foto: Facebook

ʼn Ma van twee jong seuns is Dinsdag in haar huis in Eversdal in Durbanville vermoor.

Kapt. FC van Wyk, woordvoerder van die polisie, het gesê polisiebeamptes het omstreeks 13:48 Hilary van Rooyen (53) se liggaam in die huis in Sondalstraat op die vloer aangetref.

“Die omstandighede rondom haar dood word ondersoek en niemand is nog in hegtenis geneem nie.” ʼn Saak van moord word ondersoek.

Maroela Media verneem van ʼn betroubare bron dat Van Rooyen glo ʼn inbreker of inbrekers in die huis betrap het voordat sy aangeval en vermoor is.

Van Rooyen se liggaam is in ʼn plas bloed aangetref en daar was stukkies glas op die grond. ʼn Stukkende glaspot is glo ook op die toneel gevind.

Van Rooyen se handsak sowel as ander waardevolle items soos ʼn skootrekenaar is ook op die toneel gevind. Dit is in die stadium nie duidelik of enigiets gesteel is nie.

Van Rooyen laat benewens haar twee seuns, glo in hul vroeë 20’s, ook haar man, Derick, wat in die versekeringsbedryf werk, agter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
RIV

Nog ‘n moord op ‘n onskuldige wit vrou. Waar is die BRANDSTIGTERS nou? Kom help brand nou die plek af dat die skuldige uitkom asb. Waar is die LUR of enige politieke leier nou? Of is dit net op swart slagoffers van toepassing.? Ek is so jammer vir haar familie .. so word die wittes een vir een uitgeroei en die regering stop hulle sakke vol. RIV mooi vrou .. mag die Here jou gesin troos!

Blits

Dis skokkend dat al wat deesdae gebeur is net doodslag, iemand ongeag sy kleur moet lewenslank tronk toe sonder parool vir n moord en as hulle die doodstraf inbring nog beter, hoe dieper ons land in werkloosheid insink hoe meer gaan dit gebeur

Denise

Dit is vir my baie baie HARTSEER !!!!! Sterkte aan die familie!!!

apie

nog n buurt waar die waarde van jou huis tot niks verkrummel. Dit is tyd dat woonbuurte toegemaak word deur die inwoners omdat die staat hulle gefaal het. Baie sterkte aan die familie na hierdie tragedie. – mag die misdadigers ( in hierdie geval insluitende die regering) tot ‘n val kom

Rottie Rotneus

Behalwe as sy ‘n groot bedrag geld aan haar gehad het of as hulle vooraf betaal was kan ek nie sien hoe diewe die handsak, skootrekenaar en ander waardevolle items sou agterlaat nie. Hulle sou darem iets vir hyl moeite gevat het. Ander motiewe vir die moord moet ondersoek word.