Ma verskyn in hof ná NZ-tragedie

Die Dickason-gesin (Foto: Graham Dickason, Facebook)

Lauren Dickason (40) het Saterdagoggend in die streekshof in Timaru, Nieu-Seeland, verskyn vir die moord op haar drie dogters.

Lauren se man, dr. Graham Dickason, het Donderdagaand op die egpaar se drie jong dogters, Maya en Karla (2), en hul ouer sussie, Liane (6), by hul huis in die hawestad Timaru afgekom.

Lauren en Graham is albei mediese dokters van Pretoria.

Die gesin het ’n week gelede van Suid-Afrika na dié stad verhuis nadat Graham as ortopediese chirurg ’n werk by die Timaru-hospitaal gekry het. Hulle was eers vir twee weke lank in kwarantyn met hul aankoms in Nieu-Seeland.

Die Nieu-Seelandse nuuswebwerf Stuff berig Lauren het kalm in die hof voorgekom en het heeltyd na die vloer gestaar. Sy het nie ʼn pleit laat aanteken nie.

Regter Dominic Dravitzki het Lauren na die Hillmorton-hospitaal in Christchurch vir sielkundige waarneming verwys.

Sy sal na verwagting weer op 5 Oktober in die hooggeregshof in Timaru verskyn.

Lauren is Donderdagaand na ’n hospitaal in die stad geneem en is Vrydag in hegtenis geneem.

‘Hulle was ’n gelukkige gesin’

Die Dickason-sussies is Donderdag dood in hul huis in Nieu-Seeland aangetref. (Foto: Facebook)

Die dogters se voormalige oppasser, Maria Mendy Sibanyoni, het aan Stuff vertel die gesin was baie gelukkig en daar was nie probleme nie.

Sibanyoni was van 2018 tot 2020 die drie dogters se oppasser. Die gesin het haar kort na die tweeling se geboorte as kinderoppasser aangestel.

“Die tweeling was goeie babas en Liane was so ’n lieflike kind,” het Sibanyoni uit haar huis in Suid-Afrika gesê.

“Graham het as ’n ortopediese chirurg gewerk. In sy vrye tyd het hy graag in die tuin gewerk en met sy kinders gespeel.

“’Hy was so ’n goeie man. Ek en hy sou met die kinders speel. Ons het saam met die kinders roomys gaan koop en ek het my lewensverhale met hom gedeel.”

Sibanyoni vertel sy het in kontak met die gesin gebly nadat haar kontrak verstryk het.

“Die gesin was opgewonde oor hul verhuising na Timaru en om ’n nuwe lewe te begin.”

Lauren se pa, Malcolm Fawkes, het Vrydag aan Maroela Media gesê die familie “probeer nog begryp wat gebeur het”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Naomi

Graham sterk staan mag Ons Hemelse Vader vertroosting bied en sy Liefdevolle arms jou vashou bid vir jou en familie in die moeilike tye

Herpiet

Uiters tragies. Geen mens sal ooit weet wat werkik in haar kop aangegaan het ten tye van. Sterkte aan Graham

Pablo

Die arme kinders.

Blomme

Kry ook die Mama baie jammer. Haar lewe sal nooit weer dieselfde wees nie. Ek glo sy was in diep donkerte want GEEN mens sal sommer so iets doen net om aandag te trek. Ek het opregte simpatie ook met haar.

RB

My hart gaan uit na hierdie man èn die familie in SA. Daar is geen manier hoe hierdie eers verstaan kan word om sin daaruit te maak nie. Soveel ure, dae, nagte wat soveel pyn en onbeantwoorde vrae bring. Ek hoop werklik dat daar iets gevind word gedurende die sielkundige waarneming wat minstens ‘n mate van antwoorde bring. Sy kan dan gehelp word en ander kan stukke optel met die hoop op ‘n toekoms wat weer kan sin maak al gaan die pyn nooit heeltemal weg nie. Graham, ek bid vir jou èn jou vrou. Geen mens kan hierdie seer… Lees meer »