Die 19-jarige ma wat haar sestien maande oue baba langs die N1-snelweg naby die Grasmere-afrit in Gauteng gelos het, het vandag in die Vereeniging-landdroshof verskyn.
Busaphi Nxumalo, woordvoerder van die Gautengse verkeerspolisie, sê die saak is tot 15 April uitgestel. “Sy word aangekla van poging tot moord en kinderverwaarlosing.” Die vrou is van Orange Farm, suid van Johannesburg. Sy bly in aanhouding.
Die ma is Vrydagaand in hegtenis geneem na die voorval Donderdagaand plaasgevind het. Die seuntjie is byna deur ‘n vragmotor raakgery. Hy is na ʼn plek van veiligheid geneem.
Lees ook:
Ma vas oor baba op snelweg
