Argieffoto van Diasstrand. (Foto: NSRI)
Die liggaam van die negejarige seun wat verlede week in die see by Diasstrand in Mosselbaai verdwyn het, is Maandag deur sy ma ontdek.
Volgens sers. Chris Spies, polisiewoordvoerder, het Jason Nomdoe se liggaam naby die plek waar hy verdwyn het, uitgespoel.
Jason se liggaam het tussen rotse gelê en is deur sy ma gevind. Forensiese polisiespanne was ook op die toneel.
“Die ondersoek dui daarop dat drie seuns in die water gespeel het toe hulle in die moeilikheid beland het. Lede van die publiek het die seuns te hulp gesnel en kon daarin slaag om twee van die seuns te red.
“Polisieduikers het nog tot laat Sondagmiddag na Jason gesoek.”
Spies sê die Da Gamaskop-polisie sal ʼn geregtelike doodsondersoek doen.
“ʼn Nadoodse ondersoek sal ook gedoen word om die oorsaak van die seun se dood te bepaal.”
Sterkte aan die familie.
my hart gaan uit na hierdie ma toe. mag sy berusting vind
Sjoe, dis baie hartseer. Sterkte aan hierdie moeder en wat sy moet deurmaak
DIS soooo hartseer.
So bitter hartseer. Sterkte aan die familie en gesin
Hartseer
My hart breek
Dit is baie hartseer. Sterkte aan sy familie
Ai dis bad. Sterkte vir hulle.
Dis hartseer, sterkte aan die gesin en familie.
Jy is in ons gedagtes en gebede, liewe Mamma. Kyk op…
Dink jouself in ….