Ma voor Jhb-skool doodgeskiet

Argieffoto

Argieffoto

ʼn Ma van Springs aan die Oos-Rand is Donderdag ten aanskoue van talle kinders voor ʼn skool koelbloedig in haar motor doodgeskiet.

Kapt. Johannes Rampura, woordvoerder van die polisie, het gesê die 42-jarige ma het saam met haar sewejarige dogter in hul motor voor die Springs Girls’ High School gesit toe die voorval plaasgevind het. ʼn Swart motor het glo naby hulle stilgehou en drie verdagtes het uitgespring en die ma geskiet. Sy is op die toneel dood.

ʼn Koeël het haar dogter skrams getref, maar sy is nie ernstig beseer nie. Die dogter is na ʼn hospitaal geneem vir behandeling.

Rampura het ontken dat die voorval ʼn mislukte kaping was. “Ons ondersoek nog die motief vir die moord. Ons kan nie nou sê dat dit ʼn kaping was nie, want niks is gesteel nie. Die vrou se beursie, selfoon en sleutels was steeds in die motor,” het hy gesê. “Ons is nog besig om verklarings af te neem by die kinders wat gesien het hoe dit gebeur.”

Hy het gesê die vrou se naam kan nog nie bekendgemaak word nie uit respek vir haar familie. Niemand is nog in verband met die moord in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
AmY

Kan dit ‘n huurmoord wees?

Grace

Huurmoord? Drie mense om haar te vermoor…RIV en sterkte vir die dogter, familie en vriende.

Pappa Beer

In die woorde van Francois van Coke, ” … brand Suid-Afrika!!!” Hierdie land is vinnig oppad na n totale anargaiese warboel. Hartseer is al wat ek kan se. Maar steeks soos n donkie, sal ek nie weghardloop soos n hensopper nie! Dis MY land ook, en niemand sal my geboorte reg van my afneem nie!

Sarel Strydom

Huurmoord of Teregstelling ?????

Elize

Springs is nie in Johannesburg nie.