Magda van Heerden, ’n ma van Centurion wat byna twee jaar gelede glo deur haar seun en dié se vriend met ’n mes gesteek is, het gesterf.
Magda en haar man, Barnie, is op 10 Januarie 2020 in hul huis in Pierre van Ryneveld aangeval, glo deur hul seun, Ruan van Heerden, en sy vriend, Colson Phelps. Ruan was toe slegs 18 jaar oud en pas uit ’n rehabilitasiesentrum vir dwelmverslaafdes ontslaan.
Magda is glo 36 keer met ’n mes gesteek.
Ruan en Phelps staan tereg op aanklag van poging tot moord en roof met verswarende omstandighede. Hulle het op 14 Oktober laas in die streekhof in Pretoria verskyn. Nie een van die twee is tans in aanhouding nie.
Ruan is tans in die Clearview-rehabilitasiesentrum in Pretoria.
Volgens Stiaan Bekker, woordvoerder van die familie, is Magda Saterdagaand dood nadat sy omtrent agt weke lank in die hospitaal was. Hy kon nie die spesifieke oorsaak van haar dood aan Maroela Media bevestig nie.
“Magda het nooit volkome van haar beserings ná die aanval herstel nie. Sy was ná die aanval vir byna sewe maande in die hospitaal,” het Bekker gesê.
Magda was boonop ’n lupuslyer, wat haar gesondheidstoestand versleg het.
Volgens Bekker gaan daar ’n nadoodse ondersoek gedoen word om die oorsaak van Magda se dood te bevestig. Indien dit enigsins blyk asof haar dood uit haar beserings van die aanval spruit, is daar ’n moontlikheid dat die saak van poging tot moord na ’n saak van moord verander sal word.
Volgens Bekker is Barnie hartgebroke oor Magda se dood.
Hoekom is hulle nie in aanhouding nie?!
Hoe op dees aarde is dit MOONTLIK dat hulle nie in aanhouding is nie!!!!!!! Al is hulle nie vlugrisikos nie.
Watter DRIE? Daar was net TWEE betrokke
Twee mans en ‘n meisie. DRIE.
Hoeveel hartseer en teleurstelling kan ouers verduur? Hoekom? Ons probeer ons kinders grootmaak na die beste van ons vermoë en iewers raak van hulle die spoor totaal byster. So tragies.
Julle weet nie hoeveel hel en pyn die ander seun se ouers deur is nie. Onbeskryflik groot!
How it is passebil that the 2 boys are not in prisson??