Shanei en Reaney (Foto: Verskaf)
Die 23-jarige ma van Vereeniging in Gauteng wie se een jaar oue babadogtertjie verlede maand in ʼn botsing in Drie Riviere dood is, is ná langer as ʼn maand nog in ʼn Gautengse staatshospitaal én boonop steeds onbewus van haar baba se dood.
Die familie van Shanei Norris, ʼn ontvangsdame by ʼn dokterspreekkamer, pleit nou om hulp van die publiek vir bydraes om Norris na ʼn private hospitaal in Vanderbijlpark oor te plaas aangesien haar familie meen haar toestand het sedert die botsing “byna glad nie verbeter nie”.
Norris se dogtertjie, Reaney, is op 23 Maart op slag dood toe sy en Norris in ʼn botsing met ʼn bakkie betrokke was. Die presiese gebeure rondom die ongeluk is volgens die familie steeds onduidelik.
Norris, wat ernstige beserings opgedoen het, was ná die botsing in die motor vasgekeer en is met behulp van meganiese toerusting uit die motorwrak bevry. Sy is saam met die bestuurder van die bakkie na die hospitaal gehaas waar sy sedertdien behandel word. Die toestand van die ander bestuurder is nie bekend nie.
Noelene van Blerk, ʼn familievriend, het Woensdag aan Maroela Media vertel die familie is stukkend oor Reaney se dood, maar probeer in dié stadium al hul aandag daarop fokus om genoeg geld in te samel sodat Norrisna ʼn private hospitaal oorgeplaas kan word.
Van Blerk sê Norris is by tye wakker, maar sy ly ná die botsing aan geheueverlies. Volgens haar was Norris al meer as twee keer in die teater aangesien sy haar regterbeen en regterarm erg gebreek het in die botsing. Haar milt is ook verwyder en sy is geopereer vir ʼn skeur in haar lewer wat inwendige bloeding veroorsaak het.
“Dit maak ʼn mens stukkend om haar so te sien. Die behandeling wat sy aanvanklik in die staatshospitaal gekry het, was aanvaarbaar, maar dinge het nou begin om drasties te versleg. Shanei is onlangs na ʼn gewone saal oorgeplaas terwyl sy glad nie self kan eet of bad nie; bowendien verleen die dokters geen hulp nie. Een van ons griewe is dat haar kos bloot voor haar neergesit word, maar daar is niemand wat haar help om dit te eet nie.
“Ons is raadop. Sy word nie gewas of gevoer nie en dokters het nog geen oefeninge voorgestel om haar spiere geoefen te hou nie. Soos dinge nou lyk, kan sy nie self ʼn lepel vashou nie en dis vir haar baie moeite om haar kop self regop te hou. Ons is bekommerd dat sy bloot net sal agteruitgaan sonder die regte sorg en behandeling.”
Sy sê Norris is “baie deurmekaar” en kan glad nie die ongeluk onthou nie. Volgens Van Blerk het Norris Reany nog nie een keer sedert die ongeluk onthou nie. “Sommige dae dink sy sy is nog in die hoërskool, en dan praat sy oor die kosblikke wat haar ma vir haar skool toe ingepak het. Ander dae praat sy van ʼn kamp of ʼn geleentheid wat drie maande terug gebeur het. Sy het nog nie een keer sedert die ongeluk na Reaney gevra nie. Dis asof sy glad nie kan onthou dat sy ʼn kind gehad het nie.”
Die ongelukstoneel in Drie Riviere (Foto: ER24)
Van Blerk sê die familie het besluit om Norris nié in die stadium verder te traumatiseer deur haar oor Reany te vra of haar oor die eenjarige se dood in te lig nie. “Ons as familie het besluit dit is God se manier om haar nou te beskerm,” sê sy. “Wanneer haar liggaam weer reg is om die skok te hanteer, sal God haar geheue herstel – en dan is ons bereid om die pad saam met haar te stap en daar te wees. Maar solank sy nog nie na Reany vra nie, wil ons nie graag daaroor praat nie.”
Die familie het intussen ʼn prokureur aangestel om ʼn eis by die padongeluksfonds (POF) in te dien. Van Blerk sê omdat dit baie lank sal neem vir dié eis om aan die familie uit te betaal, is daar besluit om ʼn fondsinsameling te begin sodat die familie solank ʼn deposito kan betaal om Norris privaat te hospitaliseer.
“Ons is desperaat om haar in ʼn private hospitaal te laat opneem voordat haar wonde septies raak. Die familie het reeds baie seer agter die rug met die afsterwe van Reany en nóg ʼn terugslag sal eenvoudig te erg wees. Ons weet God het ʼn plan en ons wéét dat sy sal kan herstel as sy versorg word; daarom vra ons, nie omdat ons wil nie, maar omdat ons doodeenvoudig geen ander keuse het nie.”
Die familie beoog om Norris na die Cormed- private hospitaal in Vanderbijlpark oor te plaas. Vir meer inligting of trust-besonderhede, besoek die Facebook-groep Mommy Shanei of stuur ʼn e-pos na [email protected].
Wat ‘n pragtige kind. Die staatshospitale (eintlik verskeie hospitale) se diens raak deesdae al hoe meer pateties. Jy is eintlik te bang jy beland in die hospitaal, want kyk hoe “mooi” kyk die dokters en personeel na die pasiënte. Die PATETIES VERBY!!!! Hulle moet eintlik die Gautengse staatshospitaal se naam noem, sodat mense bewus kan wees. Soms voel mens die staatshospitale moet maar eerder toemaak.
Ek glo, bid en vertrou dat daar uitkoms vir hierdie pragtige jong meisie sal wees.
Sy werk by n dokters spreekkamer??????? Eish kan hul nie dan hul werker help nie? Ek meen dai dokters vir wie sy werk, behoort te weet sy kry nie genoeg geld vir n medies nie. Ek wonder maar net.
Ja n skande dat hul haar so min betaal dat sy nie eers medies kan bekostig nie
Ai het jy regtig gedink die STINKRYK dokters sal ‘n werknemer in nood help?? Ek moet jou teleurstel 99% dokters in SA is hier om te SKEP, want hulle weet as die nasionale gesondheidsorg inkom is hulle dae van MILJOENE verdien ‘n maand verby. Daar is ‘n handjievol dokters wat iets verniet sal doen al is dit vir ‘n werknemer .. Hulle is almal geldwolwe, want soos hulle se “hulle het lank geswot” en hulle is mos verhewe bo die gewone persoon, so betaal of gaan dood . dit is die algemene houding, het al baie op forums deelgeneem waar hierdie ‘gode’ hulleself bo ander mense stel .. EK STEM EGTER DIT IS ‘N SKANDE, as ek ‘n dokter was (maar ek is seker te dom en eenvoudig volgens hulle – en het nie so lank geswot nie) sou ek gehelp het . . DAAR is niks so moeilik vir ‘n RYK MAN om van sy GELD afskeid te doen nie .. NIKS!!
Net my opinie…. dit is nie te sê sy het geheue verlies nie. Dit kan drukking op die brein of breinskade ook wees. Kry asb nog ‘n opinie. My broer was ook hier deur en was op die ou end breinskade.
Gaan George toe , hulle staatshospitaal is die beste in die land .
Ons moet onthou dat daar nie van die dokters van staatshospitale verwag kan word om n pasiënt te ‘help’ met enige ander behoeftes anders as mediese behandeling en sorg nie. Die dokters het eenvoudig nie die tyd om toe te sien dat n pasiënt eet, bad, ens nie. My dogter is n dokter in n staatshospitaal en werk so hard om haar uiterste bes vir die pasiënte te doen, en om by alle pasiënte uit te kom, dat sy soms tuis op haar voete aan die slaap raak. Ek kan dieselfde van al haar doktersvriende in die staatshospitale sê. My hart breek vir die familie en mamma van die pragtige klein Reaney wat in die ongeluk gesterf het, maar moet asb nie alle staatshospitaal dokters oor dieselfde kam skeer nie. Die meeste van hulle doen meer vir hulle pasiënte as wat soms menslik moontlik is.
Christine, jy hoef jou nie te bekommer nie, ons weet hoe dokters hulle hande vol het. Mens kan maar net dankbaar wees daar is nog mense soos jou dogter. Sterke waar dit nodig is, Piet.
Probleem is dat niemand toegelaat word in die sale behalwe besoek tyd nie. Dinsdag toe hulle klere vir haar gevat het en wou aantrek omdat sy heeltemal kaal daar gele het, is hulle uit gejaag en gese om 3uur terug te kom om haar aan te trek wanneer dit besoektyd is. So al wil mens help voer, was ens word jy nie eers in die saal toegelaat nie.
Die drs was great, die ICU en Hoesorg personnel was wonderlik maar ek is bevrees die gewone saal gaan al die goeie werk ongedaan maak.
Dis so waar ,Christine ek werk elke dag saam met die drs by ons n russiese Dr en n spanjaard hul doen hul uiterste bes vir elke liewe pasient ek weet die toestande in die staats hospitals op die oomblik is skrikwekkend glo vir my daar is in sommige klinieke en hospitals geen voorraad of personeel,die fout le nie altyd by die mense wat daar werk nie maar met die hulpbronne wat daar nie is nie en hande dit is maklik vir mense wat nie n clue het om vinger te wys na staatshospitale maar het enige iemand al gedink om na jou plaaslike kliniek of hospitaal toe te gaan en bietjie hulp aan te bied weet jy sommige klinieke sal ditmet ope arms ontvang by ons brei mense mussies vir ons pasgebore babas en dis n Groot seen vir ons! So ek weet vaarvan jy praat en my hart gaan uit na die mamma en families en al die Dr s en verpleegpeesoneel wat nog omgee !
Die dokters het seker die mag en krag om opdragte aan die verpleeg personeel te gee soos dat wonde versorg word en die pasiënt gewas word en gevoer word. Ek is seker die verpleeg personeel neem ete en van hulle meer as die toegelate tyd, maar hulle sal nie diskresie gebruik om ‘n sieke te help nie.
Bitter hartseer.familie van my was persoonlike vriende met die mamma.weet dis maklik dat almal n komentaar lewer,maar dink gou mooi.hoe sal jy optree as dit jou dogter is of familie.sterke aan die familie en mag Shanei omvou weers met Jesus se hande en dat haar lewens pad net goed sal gaan.die pad van herstel.Jesus weet wat is die beste vir haar.alle beste
Christine, niemand het bedoel dat dat dokters betrokke moet wees by die pasiënt se versorging bv. bad en eet nie….daarvoor is daar mos verpleegpersoneel! Ja, en daar is dokters in staatshospitale wat hulle bes probeer, maar soos in enige ander beroep is daar ook die slapgatte! Sterkte aan die familie!
AG soms dink ek net die mammas wat se dogtertjies dokters is wil dit graag vir iemand hier kom se, en brag met hulle skatjies . soos jy se NIEMAND het iets van die dokters verwag nie, maar wel van die verpleegpersoneel en as ‘n DOKTER het jy seker beheer oor jou pasient en mag sekere goed van die verpleegpersoneel verwag .. so ja . skiet my maar, ons het die program gekyk oor hoe hard die jong doktertjies werk in hospitale .. weet net daar is ander mense wat net so hard en net sulke lang ure werk, hulle verskyn net nie op TV nie.
Aai ja waar is die dokter se hulp by wie sy werk??? Wie is die dokter rerig…….. ek bid vir n volmaakte herstel God doen nie halwe werk xxx
Ek het gehoor daar is n privaat hosp in Springs wat ongeluks pasiente help. Ek is net nie seker van die naam as iemand dalk daarmee kan help.
Mens hoor telkemale van sulke hartseer insidente waar slagoffers uitgelewer is aan die genade van staatshospitale. ‘n Eenvoudige en goedkoop hospitaalplan is ‘n noodsaaklike deel van elke werkende mens se beplanning. ‘n Mens sou verwag dat die praktisyn waar sy werksaam is sou omsien daarna dat sy personeel darem ten minste basiese dekking het. Die premies is baie min vir jong lede, maar wanneer jy noodgedwonge hospitalisasie in die gesig staar is dit dalk die verskil tussen lewe en dood.
Ons moet onthou dat daar nie van die dokters van staatshospitale verwag kan word om n pasiënt te ‘help’ met enige behoeftes anders as mediese behandeling en sorg nie. Die dokters het eenvoudig nie die tyd om toe te sien dat n pasiënt eet, bad, ens nie. My dogter is n dokter in n staatshospitaal en werk so hard om haar uiterste bes vir die pasiënte te doen, en om by alle pasiënte uit te kom, dat sy soms tuis op haar voete aan die slaap raak. Ek kan dieselfde van al haar doktersvriende in die staatshospitale sê. My hart breek vir die familie en mamma van die pragtige klein Reaney wat in die ongeluk gesterf het, maar moet asb nie alle staatshospitaal dokters oor dieselfde kam skeer nie. Die meeste van hulle doen meer vir hulle pasiënte as wat soms menslik moontlik is.
Dis n verskriklike hartseer storie. My hart en gebede is met julle. Gaan nou n donasie maak. Dis min maar ek hoop daar is duisende harte wat oopgaan vir hierdie familie en dieselfde sal doenxxx
Jy is n wonderlike voorbeeld, Anje! Die artikel gaan per slot van sake oor die pyn waardeur hierdie familie gaan en n pleitdooi om hulp. My dogter is ook n dokter in n staatshospitaal, SLAP, en ek sê dit nie om te spog nie. Niemand herken die persone wat kommentaar lewer in elk geval nie, dus het Christine ook maar net haar siening, en vlgs my ervaring, die korrekte siening van ons staatsdokters gelug sonder om te wou spog. Die drs is ook nie altyd teenwoordig (omdat hul elders nodig is) om toe te sien dat die verpleegpersoneel wel hul werk doen nie. Ek dink dis uiters ongevoelig en onmenslik van die personeel wat die familie uitjaag wat na Shanei wil omsien, en ek sou my stem dik maak by die hospitaalowerhede. Ek is seker SLAP, dat jy, James, Christine en haar dogter, en Colleen n bydrae gaan maak. Ek en my dogter gaan beslis.
So jammer om te hoor my seun was 22 Maart in Bloemfontein in n groot ongeluk. God dank ons het medies. Die week was is ons 2 dogtertjies ook opgeneem. Die 1 vir n spinnekop byt en die ander vir middel oor ontsteking en bronchitis. 3 kinders gelyk in die hospitaal. Baie sterkte vir die familie en bid tot God uit sal vir julle uitkoms gee
Daai klein engel pop se naam is nie een keer reg gespel in die artikel nie… Dis Raenei.
Julle kan gerus op facebook …Go Fund Me…….vra vir hulp. Baie sterkte vir julle, Ons bid dat God haar sal bystaan en genees. Amen
Ek dink nie ons as Suid Afrikaners verstaan nie werklik hoe dit in ander lande se hospitale gaan nie.Ek woon al baie jare in die Ooste.
As jy hier hospitaal toe gaan moet jou familie na jou omsien – kos,beddegoed, bad ens.
Die hospitaal voorsien die mediese sorg en dit is al.Senior burgers werk as “volunteers” hulle doen die bloeddruk,gewig ens.Dalk is dit wat moet gebeur in SA.
Die rede woorom dit hier gebeur is ook maar soos in meeste lande – te veel pasiente en te min verpleegpersoneel en geld.
En o ja, wat ‘n vreeslike skok sal wees vir Suid Afrikaners – as jy dokter toe gaan sien die dokter twee pasiente tegelyk so jy moet maar jou storie vertel terwyl die ander persoon sit en luister.
Sterkte vorentoe en gaan vra skriftelike toestemming by die hospitaalbestuurder en matrone om haar self te versorg.Of sommer by die minister van gesondheid.Moenie moed opgee nie.