Ma wroeg steeds oor dogter (16) se raaiseldood

Cora-Lee Jansen van Vuuren. Foto: Facebook

Meer as vyf weke ná haar tienerdogter se raaiselagtige dood, is Aileen Erasmus-Janse van Vuuren nog geensins nader aan antwoorde op haar vrae nie.

“Dit breek my so af binne om nie antwoorde te kry nie. Ek kan nie aanbeweeg nie; ek wíl nie aanbeweeg nie. Dit maak ʼn mens klaar, want jy kom nêrens met jou vrae nie,” het sy Dinsdag gesê.

Maroela Media het vroeër berig Aileen het die oggend van 12 Maart op haar dogter, Cora-Lee Jansen van Vuuren (16), se liggaam in haar bed in hul huis in Alberton afgekom. Daar was geen ooglopende merke aan Cora-Lee se liggaam of enige aanduiding wat die oorsaak van haar dood kon wees nie. Sy was ook nie siek voor haar dood of het van enige pyn of ander simptome gekla nie.

Cora-Lee was ʼn gr. 11-leerder aan die Hoërskool Marais Viljoen en het net ʼn dag voor haar dood ʼn hokkiewedstryd gespeel. Sy was volgens haar ma fiks en gesond.

ʼn Geregtelike doodsondersoek is gedoen om die oorsaak van Cora-Lee se dood te bepaal. Aileen het verlede maand aan Maroela Media gesê ʼn bloedtoets het reeds gewys dat daar geen alkohol, dwelms of medikasie in Cora-Lee se bloed was nie.

Aileen wag egter steeds op die uitslae van die nadoodse ondersoek om die oorsaak van Cora-Lee se dood te bevestig. Sy het Dinsdag gesê sy is deur die polisie ingelig dat dit tussen vier weke tot ʼn paar maande kan neem vir die uitslag om beskikbaar te raak.

Sers. Lindi Moloi, woordvoerder van die polisie, het aan Maroela Media gesê die oorsaak van Cora-Lee se dood kan nog nie bevestig word nie aangesien daar steeds op die uitslae van die nadoodse ondersoek gewag word. Moloi het gesê sy kan nie voorspel wanneer die uitslae gereed sal wees nie, omdat dit maande of selfs jare kan neem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Linda

Mevrou, as jy antwoorde soek, oorweeg ‘n private patoloog en laat doen ‘n tweede outopsie. Die staat gaan te lank sloer.

DPJ

Mag die Here God u ryklik vertroos met Sy Heilige Grees en jou omarm met Sy hande.
Nou sien ons in ‘n spieël en ‘n rasisel maar eendag van aangesig tot aangesig.

Cor

Nogsteeds een van die pragtigste meisies wat ek al ooit gesien het.

apie

die bloedtoetse is reeds uit, maar nie die nadoodse ondersoek nie, hoe op dees aarde werk dit ? ‘n nadoodse ondersoek vind binne dae plaas en dit is n fisiese ondersoek en oombliklik. ek sou ook n tweede opinine kry. by enige misdaad moet jy dit doen as jy antwoorde wil hë- volgens die polisie is mnr Peet van Es, die nederlander wat vier ure gemartel aan aangerand was, oorlede van een meswond…

cv

Kon dalk hokkie bal gewees het wat haar iewers getref het. Baie sterkte aan die moeder en gesin.