Maak jou reg vir ʼn brandstofprysskok

Argieffoto ter illustrasie (Foto: Karen Sandison/African News Agency)

Die Automobiel-Assosiasie (AA) voorspel dat brandstofpryse teen volgende maand skerp gaan styg weens die hoër algemene brandstofheffings wat dán in werking tree.

Dít tesame met stygende internasionale petroleumpryse vererger deur ’n dalende rand-dollar-wisselkoers skets ʼn somber prentjie vir plaaslike brandstofpryse.

“Soos sake vandag staan, sal petrol met 90 sent per liter, diesel met 66 sent per liter en paraffien met 62 sent per liter styg,” het die AA Maandag in ’n verklaring gesê.

Dié verwagte stygings sluit egter nié die algemene brandstofheffings en die heffing vir die Padongelukkefonds (POF) wat Tito Mboweni, die minister van finansies, verlede maand in sy begrotingsrede aangekondig het in nie. Dié heffings tree op 7 April in werking,

“Binne die huidige scenario tesame met die heffings sal die prys van petrol na verwagting met R1-16 per liter en dié van diesel met 92 sent per liter styg.”

Met dié verwagte verhogings in ag geneem kos ʼn liter 95-oktaan (tans R16,32 per liter) voortaan R17,48 per liter, waarvan R6,10, sowat 35%, belasting is. Die prys van diesel (tans R14,12 per liter) styg tot R15,04 waarvan R5,96, sowat 40%, belasting is.

Die AA sê die regering kan nie langer die gevolge van ernstige stygings in brandstofpryse ignoreer nie en behoort dringend te besin oor die druk op verbruikers wat sukkel om finansieel kop bo water te hou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Robert

Dis mos maar net te lekker, as jou geld opraak dan dink jy ‘n verskoning uit om jou sak te vul is dit nie so nie cANCer. Gelukkig draai die wiel.

Nie Verbaas

ANC vat net meer en meer om te plunder. Om meer geld te vat gaan nie help nie. Vervolg plunderaars suksesvol, dit sal help.

Elize

Met die paaie wat besig is om in grondpaaie te verander is die donkiekar tydperk hier! Hoe gaan mens by die werk uitkom as dit so aangaan? Nou word daar eers vir pertol gewerk dan kos en skuld. Hierdie kaders het geen gevoel nie want hulle maak vol op die belastingbetaler se onkoste

Chantel

Dit laat my in skok, as mens gaan kyk na wat ons einlik betaal vir die petrol en hoeveel van hierdie geld veronderstel is om na die padfonds te gaan, weet ek wragtig nie wat gebeur daarmee nie. Of nee, wag, ons weet. Ons paaie is in absolute chaos!So kan ons dan aanneem dit gaan na die verryking van ander

Op pad uit

Ek na hierdie berig: “Dis tyd om ‘n elektriese motor te koop.” Eskom:”Kom ek deel die volgende week se beurtkrag skedule met jou!”