Maak SAL toe, sê Mboweni

Argieffoto

Die minister van finansies sê dis nie langer die moeite werd om die Suid-Afrikaanse Lugdiens (SAL) te probeer red nie. Die beste raad is om die lugredery toe te maak.

Tito Mboweni het by ʼn beleggerskonferensie in New York gesê hoewel dit nie hy is wat uiteindelik besluite oor die nasionale lugredery se toekoms neem nie, is dit moeilik om te sien hoe dié lugdiens ooit reggeruk sal kan word, berig BusinessTech.

“Dit word op ʼn verlies bedryf, ons sal dit waarskynlik nie kan omkeer nie; daarom is my mening dit moet gesluit word. Dis onwaarskynlik dat ons ʼn beleggingsvennoot in die private sektor sal kry wat by die SAL betrokke sal wil raak,” het hy gesê, berig die BBC.

Die SAL het in Mei ʼn verlies van R5,7 miljard vir die voorafgaande boekjaar aangekondig. Mboweni het in sy mediumtermynbegrotingsraamwerk gesê die lugredery sal R5 miljard ontvang deur ʼn spesiale wetsontwerp om die skuld tussen nou en Maart 2019 te delg.

Vuyani Jarana, SAL se uitvoerende hoof, soek luidens berigte R20 miljard vir ʼn strawwe besuinigingsplan om die sukkelende lugredery reg te ruk. Hy het gesê afdankings en ander besnoeiings is onafwendbaar.

Ingevolge dié plan sal die lugredery eers in 2021 gelyk breek.

Maar Mboweni sal dit graag duidelik wil maak daar is nie langer heilige koeie nie in ʼn land wat te kampe het met enorme ekonomiese uitdagings en dringend besteding moet besnoei.

Die ANC sal na verwagting in die aanloop tot volgende jaar se verkiesing graag wil wys sy prioriteite is werkskepping en die bestryding van korrupsie, nie die subsidiëring van ʼn niewinsgewende lugdiens wat hoofsaaklik deur die middelklas gebruik word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
zoom zoom

Nou het ons iemand van die ANC wat sien wat derduisende van ons al reeds gesien het aan die kom is. Nou praat hy SENSE en dit maak SENSE.

Koos de Meyer.

Dit sal die beste besluit oot wees.

Ingo

….en wat die hartseerste van alles is…dis net een van n reeks voorheen trotse organisies wat kunsmatig aan die lewe gehou word…met groot salarisse en valse prestasiebonusse.
Dis waar die storie van die miere en die springkane skierlik waar word!

Eish

Genadiglik begin die werklikheid deurskemer!
Jammer vir diegene wat hul werk gaan verloor. Die tragedie is dat die onskuldiges met bloed betaal vir bestuursonbekwaamheid en politiekery.
Tragies dat hierdie rampspoedige nie negatief impakteer tydens verkiesings op die drywers van “disaster” nie…

Anoniem

As Tito Mboweni nie die finale besluit oor SAL se toekoms kan neem nie, wie is die persoon wat dit wel kan/moet doen? Die president?