Maatskappye skenk R1.2 miljoen vir Limpopo-vloedslagoffers

Onlangse vloede in Lephalale (Ellisras)

Onlangse vloede in Lephalale (Ellisras)

Kospakkies, komberse en boumateriaal word afgelewer by munisipaliteite wat onlangse deur erge vloede in Limpopo getref is.

Emily Thomas, woordvoerder van die humanitêre welsynsorganisasie Gift of the Givers, het Dinsdag in ʼn verklaring gesê dat voorraad ter waarde van R1.2 miljoen na nagenoeg 500 gesinne in Modimolle (Nylstroom), Mookgophong (Naboomspruit), Mogalakwena, Lephalale (Ellisras), Thabazimbi, en Bela-Bela (Warmbad) versprei word.

“Santam, Vodacom, Unilever en Ernst & Young het die skenkings gemaak,” het Thomas gesê. “Die verligtingspakke bevat kospakkies, groente, skoonmaakmiddels, komberse, klere, skoene, emmers, houtplanke, sinkplate, en groot stukke plastiek.”

Twee skole in Modimolle gaan ook nuwe meubels en skryfbehoeftes ontvang.

“Gift of the Givers is in noue samewerking met die Waterberg se vloedrampbestuursentrum om gebiede te identifiseer wat die ergste deur die vloede geraak is,” het Thomas bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

alet ·

Vra vir staars president geld hy het baie kan van sy beeste en hoenders verkoop

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.