Mabuza met verlof oor mediese konsultasie in Rusland

Adjunkpres. David Mabuza (11 September 2019) (Foto: Jairus Mmutle/GCIS)

Adj.pres. David Mabuza het  ’n paar dae verlof by die president versoek om ’n geskeduleerde mediese konsultasie in Rusland op te volg.

Matshepo Seedat, Mabuza se woordvoerder, sê die besoek is ʼn opvolg op vorige mediese ondersoeke wat die adjunkpresident in Rusland ondergaan het.

Volgens Seedat sal Mabuza sy pligte hervat sodra hy terug is van Rusland.

Ál meer vrae oor die adjunkpresident se gesondheid het verlede jaar opgeduik toe hy weens gesondheidsredes sommige verpligtinge moes misloop.

Maroela Media het in Augustus verlede jaar berig die adjunkpresident moes in die Nasionale Vergadering vrae oor korrupsie tydens die algehele landwye afsondering beantwoord, maar sy kantoor het toe laat weet hy is te siek om dit te doen.

Dit was nie die eerste keer dat Mabuza se gesondheid met die uitvoering van sy amptelike pligte inmeng nie nadat hy vroeër ook lank in Rusland behandel is.

Navrae oor die aard van sy siektetoestand deur joernaliste en opposisiepartye het in daardie stadium net ontwykende antwoorde opgelewer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Termiet

Hoekom altyd Rusland toe voeter op belasting betalers se on koste? Het ons nie gekwalifiseerde Medici nie?

Bertie

Wat is fout met ons mediese dienste? En wie betaal vir die heer se vakansie in Rusland?

annie

… of is CR se adjunk dalk van die kommissie se klandisie en bang hy toets positief vir die Gupta-virus? Wanneer is dit Malema se beurt? Kuba se weer is glo ook heerlik diè tyd van die jaar.

Willem

Hoekom mag hy rondvlieg maar ons dokters mag nie in ander lande gaan werk nie

Michal

soos skaappies sal ons dit glo