Magaqa-moord: ANC geskok oor hoë se inhegtenisneming

Sindiso Magaqa (Foto: ANA)

Die ANC het sy skok uitgespreek oor die inhegtenisneming van ʼn KwaZulu-Natalse burgemeester vir die beweerde politieke sluipmoord op Sindiso Magaqa.

Dié burgemeester, ʼn voormalige adjunksekretaris van die ANC in KwaZulu-Natal, sal na verwagting vandeesweek in die hof verskyn. Die burgemeester se naam mag volgens wet nie bekendgemaak word voordat hy in die hof verskyn het nie.

Die burgemeester sal na verwagting saam met ʼn munisipale bestuurder, ʼn sakeman en twee voormalige lede van die taktiese reaksiespan verskyn.

Thabiso Zulu, ʼn lid van die ANC, teenkorrupsie-aktivis en vriend van Magaqa, het gister aan African News Agency die inhegtenisneming as ʼn “oorwinning” bestempel. “Ons beskou dit as ’n oorwinning in ons stryd teen korrupsie en politieke … moorde,” het Zulu gesê.

Hy het bygevoeg hy is tog “versigtig” om dié inhegtenisneming te gou te vier.

Zulu is daarvan oortuig dat die “politieke bendelede en hul huurmoordenaars nie sonder ’n geveg gaan opgee nie. Hulle sal die beste prokureurs aanstel, getuies intimideer of doodmaak en meer doen” om te verhoed dat hulle vir hul dade aanspreeklik gehou word, het Zulu gesê.

Die burgemeester is Saterdag deur die polisie ondervra en in hegtenis geneem. Hy word beskou as ’n senior en invloedryke ANC-lid wat ook in die party se provinsiale werkskomitee dien.

Zulu het in 2017 bewerings van korrupsie by Magaqa, ʼn voormalige sekretaris-generaal van die ANC-jeugliga, se begrafnis aan die lig gebring. Zulu het saam met Les Stuta, ʼn beampte by die betrokke KwaZulu-Natalse munisipaliteit, beweer dat Magaqa vermoor is omdat hy op korrupsie van miljoene rand binne die munisipaliteit afgekom het.

Zulu het aan ANA gesê hy en Stuta het hul lewens en dié van hul families in “ernstige gevaar” geplaas om bewerings van korrupsie soos vervat in dokumente wat Magaqa aan hulle voor sy dood gegee het, bloot te lê.

Magaqa is in Julie 2017 saam met sy kollegas Nontsikelelo Mafa en Jabu Msiya in die uMzimkhulu-gebied geskiet. Hy het in September 2017 gesterf as gevolg van “komplikasies van veelvuldige skietwonde”. Mafa en Msiya het albei die aanval oorleef en is onder staatsbeskerming geplaas.

Die Valke het in September 2017 aangekondig dat Jabulani Mdunge, een van die verdagtes wat na bewering betrokke was by Magaqa se moord, tydens ’n skietery met die polisie op die N2 tussen Kokstad en Harding doodgeskiet is nadat hy met ’n transitorooftog verbind is.

In September verlede jaar is Sibusiso Malusi Ncengwa in hegtenis geneem vir sy beweerde betrokkenheid by Magaqa se moord en die poging tot moord op Mafa en Msiya. Hy is tans verhoorafwagtend.

Zulu het voor die Moerane-kommissie van ondersoek, wat aangestel is om die onderliggende oorsake van politieke moorde in die provinsie te ondersoek, getuig.

Hy het aan ANA gesê dat dié verskyning meer “vyande” ontbloot het, alhoewel hy die kommissie van onbetwisbare bewyse voorsien het dat korrupsie die kern van politieke moorde in KwaZulu-Natal was en dat sommige senior leiers die “meesterbreine” agter die moorde was.

Zulu sê dat hulle dankbaar is vir die burgemeester se inhegtenisneming en pleit by die Nasionale Vervolgingsgesag om seker te maak dat nog inhegtenisnemings sal volg.

“Politieke korrupsie moet verslaan word, maak nie saak wie daarby betrokke is nie,” het Zulu gesê.

Die ANC-leierskap van KwaZulu-Natal het Sondag sy skok oor die inhegtenisneming uitgespreek. Hulle het gesê dat hulle nog inligting in die verband sal kry en die media inlig sodra hulle meer weet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Charlie

Gaan dit net soos Malema se haatspraak-saak toegesmeer word?
Ek wonder?

Henk

Die anc het n geskiedenis van geweld, moord, brandstigting, sabotasie, hoogverraad en korrupsie. En nou is hy geskok oor die inhegtenisname van een van sy senior amptenare?

gatiep

Geen skok gewees vir my nie

Se maar net

Hopelik is hierdie die begin waar hulle tern mekaar gaan draai rn hulleself gaan uitwis terwyl ons hande gevou sit en toekyk. Wat n goeie dag sal dit nie wees nie.

Se maar net

Hopelik is hierdie die begin waar hulle teen mekaar gaan draai n hulleself gaan uitwis terwyl ons hande gevou sit en toekyk. Wat n goeie dag sal dit nie wees nie.