Magashule bly aan as ANC se sekretaris-generaal

Ace Magashule, beleërde sekretaris-generaal van die ANC. (Foto: Twitter)

Ace Magashule, sekretaris-generaal van die ANC, bly aan in sy pos en gaan nie opsy staan nie, al word hy in ʼn hofsaak van omvattende betrokkenheid by korrupsie beskuldig.

Magashule se aanbod om eerder voor die ANC se sogenaamde integriteitskommissie te verskyn, is deur die regerende party se nasionale uitvoerende komitee (NUK) aanvaar.

Die integriteitskommissie het nog nooit in sy hele bestaan daarin geslaag om enigiemand te laat terugstaan uit sy of haar pos terwyl hy of sy strafregtelik aangekla is nie.

Die besluit is ná afloop van die NUK-vergadering deur Ramaphosa voorgehou as ʼn groot oorwinning vir eenheid in die ANC, maar daar is konsensus in politieke kringe dat dit ʼn reusagtige nederlaag vir Ramaphosa verteenwoordig, hoewel dit nie onverwags was nie.

Ramaphosa het naamlik in Augustus aangekondig enige ANC-ampsdraer wat in ʼn hof aangekla word, moet uit sy of haar pos opsy staan totdat die hofsaak afgehandel is.

Die kinkel in die kabel was presies soos verwag, naamlik dat enige aangeklaagde onskuldig is tot hy of sy skuldig bewys is.

Voorts het die NUK besluit almal in die land moet die situasie met die koronavirus in veral die Wes-Kaap, Oos-Kaap en KwaZulu-Natal ernstig opneem en dienooreenkomstig voorsorg tref.

Ander sake wat die NUK belangrik genoeg vir ʼn besluit geag het, is dat die staat ʼn farmaseutiese maatskappy moet begin, asook dat WVK-uitbetalings nou gedoen moet word en die Zondo-kommissie gerespekteer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Sarel

Magashule = 1
ANC 1
Rhamaphosa = 0

Yvonne

Glad nie n verassing nie ….MOEILIKHEID broei in sy kop

Persheks Adri

Voorwaar ‘n pot snot pffft tsssk groot ramp hierdie lot! Lyk my Cyril is bang vir hom gggmmmfff!

Sakkie

Skelms cover mekaar

Dries

Ramaphosa is niks anders as n handpop van die korruptes in die ANC