Mahumapelo bedank wel

Supra Mahumapelo, die premier van Noordwes, het bedank. Argieffoto: http://premier.nwpg.gov.za

Supra Mahumapelo, premier van Noordwes, het Dinsdag te midde van toenemende druk om te bedank wel besluit om sy tasse te pak.

Mahumapelo het vroeër die dag tydens sy begrotingsrede in die provinsiale wetgewer geskimp dat hy moontlik binnekort gaan bedank, maar later aan die SAUK bevestig dat hy wel bedank. “Teen môremiddag [Woensdagmiddag], sal Supra Obakeng Ramoeletsi Mahumapelo die voormalige premier van Noordwes wees,” het hy aan die openbare uitsaaier gesê.

Hy het gesê al wat nog gedoen moes word, is om die administratiewe proses soos in die Grondwet uiteengesit af te handel.

Mahumapelo het vroeër tydens sy amptelike begrotingsrede gesê hy sal ʼn brief aan die speaker skryf voor Vrydag. “In sommige kritieke gevalle in ons lewe word daar op ons as lid van die mensdom ʼn beroep gedoen om die essensie van die afwesigheid van teenwoordigheid te skep,” het hy gesê.

“Dit is daarom dat ek binne die konteks van hierdie essensie van afwesigheid van teenwoordigheid en in volle ooreenstemming met die Grondwet vir die speaker sal skryf met hierdie onderneming voor Vrydag vandeesweek.”

Die ANC in Noordwes het gesê hy verwelkom Mahumapelo se besluit om vrywillig van sy amp afstand te doen. “As organisasie sal ons altyd dankbaar wees en leer uit sy empatiese, beginselvaste maar eenvoudige benadering tot kwessies. Ons loof comrade Mahumapelo dat hy die hele provinsie deur gereis het in ʼn soeke na ʼn beter lewe vir ons mense deur die Setsokotsane-veldtog,” het Sussana Dantjie, waarnemende provinsiale sekretaris, gesê.

“Ons weet hy sal voortgaan om sy ANC-beweging te dien en wat ook al nuwe rol ons vir hom aanwys. Ons moedig hom aan om standvastig te bly in dit wat hy glo nodig is om die rewolusie uit te voer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
schalk

“Rewolusie uit te voer”. Ek dog die ANC het lankal die stryd gewen en bou op aan die perfekte idologiese wereld waarin alles met verteenwoordiging van etniese groepe beslis sal word. ” Comrade Supra” no more corruption from you but someone new will soon follow your footsteps to paradise.

Hendrik

Toe ek die foto sien toe verwar ek hom amper met die sakeman wat die swanger vrou aangerand het. Dankie Maroela dat julle die name onderaan die fotos sit.

Tyd

‘Daar is ‘n tyd om te kom (aanwesigheid) en ‘n tyd om te gaan (afwesigheid)’.
EN ai, ‘die rewolusie’ kry ook nie einde . . . so word daar voort ge-struggle die laaste 24 jaar en is het einde niet in sig. Sterkte met jou volgende aanstelling om plundering voort te sit.

Johann

Ag asseblief. Jy wou solank moontlik bly om seker te maak jy smeer dik toe waar jy gevat en weg gegee het. Die laastes ook nog te skep.

En soos altyd, loof die ANC selfs sulkes soos hy oor sy bydra tot anargie en chaos en korrupsie en diefstal en en en en….

One. down, MANY still to go

Piet

Ek wonder hoe lyk sy paket? Seker nie sleg vir so n waardige comrade nie.