Maimane behou amp as DA-partyleier

DA-leier Mmusi Maimane. Foto: Ian Landsberg/ANA

Die DA-leier, Mmusi Maimane, sal sy amp as partyleier behou tot die volgende federale kongres in 2021 en geniet die ondersteuning van die DA se hoogste besluitnemingstruktuur, het Athol Trollip, die DA se federale adjunkvoorsitter, Maandag gesê.

“Daar was baie bespiegeling oor die toekoms van ons leier, Mmusi Maimane. Ons wil dit stel dat mnr. Maimane ons leier sal bly totdat die federale kongres, geskeduleer vir 2021, andersins besluit,” het Trollip gesê.

“Enige praatjies van ʼn verandering in leierskap voor die federale kongres moet uit die weg geruim word. As die leierskap van die party, op nasionale sowel as provinsiale vlak, is ons eenparig in ons steun vir mnr. Maimane wat die DA sedert die 2015 Nelson Mandelabaai- federale kongres, en sy onbetwiste verkiesing in 2018, uitsonderlik gelei het.”

Die DA het vanjaar ʼn groot verlies by die stembusse gely deur 1,4% steun te verloor – ʼn afname van 23,23% in 2014 tot 20,77% vanjaar.

Tydens ʼn mediakonferensie ná afloop van ʼn vergadering van die DA se federale uitvoerende komitee het Trollip gesê dié verlies kan nie aan ʼn individuele leier toegedig word nie. “As lede van die federale uitvoerende komitee, wat die bedrywighede van die party rig en beheer en die besluit van die federale raad implementeer, neem ons almal verantwoordelikheid vir die uitslag van die verkiesing – of dit nou goed of sleg is,” het hy gesê.

“Daardie las kan nie op die skouers van ʼn individu geplaas word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

27 Kommentare

Pieter du plessis ·

Ek hoop hy leer uit sy foute en besef minderhede het ook bestaansreg in SA en diskriminerende wette gebaseer op velkleur(apartheid) moet na 25 jaar afgeskaf word of minderhede moet n eie tuisland kry om hulself te regeer.

KJA ·

Mmusi, hoe voel dit om alleen verantwoordelik te wees vir al die stemme wat die DA verloor het? Ek’t met TROTS nié vir julle gestem nie.

Lizelda ·

Wonder ek ook KJA, hy wou mos nonsense kwytraak en was mos GLAD nie bekommerd om witstemme te verloor nie, want die DA het “genoeg” gedoen om swart stemme te werf. Hy was so besig om die President en ANC sleg te se hy het vergeet om te nooem wat die DA vir SA wil doen en kan bied. En toe???

MC ·

Ja, dis die “touleiertjie” waarvan Siener van Rensburg gepraat het, hy is werklik nie ‘n baie sterk leier nie. Die DA se interne slordige politiek los ‘n wrang smaak in ‘n mens se mond. Maar ek moet toegee, ek wil op die oomblik in geen ander provinsie as in die Wes-Kaap wees nie. As hulle dit regkry om hulle verskille eenkant te sit, bestuur hulle die Wes-Kaap uitstekend en is verbetering en instandhouding aan ons infrastruktuur daagliks sigbaar. Baie dankie daarvoor. Ek dink egter Mnr. Trollip is verkeerd. Die DA het kiesers verloor juis oor Mmusi so ‘n gematigde leier is, nie warm of koud nie. Mmusi is nie ‘n leier nie.

Judge Dredd ·

Dis NIE die DA wat dit die beste maak.
Die Wes-Kaap is die beste want die “minderhede” is daar nog die meerderheid.

Soos wat die ekonomiese(meestal swart) migrante na die Wes-Kaap ingebus word en die DA agter die swart vote aankruip – so sal beide die Wes-Kaap en DA bestuur verswak.

So geniet dit terwyl jy kan – dit gaan nie hou nie – en dan sal jy weet hoekom die Afrikaners in die res van die land al hoe meer VF+ stem.

John ·

Alle kompetisie vir Maimane is uit die weg geruim, dus is daar niemand anders nie en dit gaan die DA se einde verhaas. Om die sondelose, alwetende party te speel is nie volhoubaar nie. De Lille is soos Zuma beskerm om die party se eenheid te behou. Die 2 duwweltjies gooi saad die hele land vol… Dit gaan ‘n eina-wèreld word.

Genieve ·

Ek dink hy het uit se foute geleer maar nou moet hy dit vinnig regmaak darem meer eerliker as Ramaphosa soos ek deur die lyne lees kyk nou eerste na sy kabinet dis n skande nadat hy weet wat die mense gedoen het wat hy weer wil aanstel maak net jou foute reg Mmusi wees daar vir almal.

JohanC ·

Ek sien ook op News24 Mmusi Miammani aanvaar volle verantwoordelikheid vir sy party die DA se swak vertoning on die verkiesing
Hy moenie nou simpatie soek nie want hy het gevra daarvoor en hy moes die uitslag oop oê sien kom het
Mmusi het arme Helen Zille vergruis omdat sy niks verkeerd gesê het oor haar twiet oor kolonialisme nie
EN met Patricia De Lille het Mmusi omtrent elke keer uit die bus geval waar Patricia vir Mmusi en die DA hof toe gevat het
EN die grootste gek wat n sekere partyleier van die DA kon gemaak het wat Mmusi se babbel vir hom nog verder gebars het om rassistiese uitspraak te maak oor n onderwyseres van die laerskool Schweizer-Reneke wat toe nerens skuldig bevind is aan rassisme nie
Waarvoor Mmusi gevra het het hy gekry-dis net baie hartsee dat daar nog STEEDS soveel getroue DA ondersteuners is wat in die proses so wreed ontnugter moes word

TN ·

Mmusi se rassistiese uitsprake oor ‘n onderwyseres van S-R !? Goue reël ; moet NOOIT dat die waarheid in die pad staan van ‘n verkose aanvalslyn nie !

Adam ·

Die DA kan en wil nou maar nie besef dat hulle op die verkeerde pad is met Maimane nie. Hy is en bly ‘n patetiese leier en ek glo dat Zille haar hare uit haar kop behoort te trek weens haar besluit om hom op die voorgrond te plaas. Indien die DA kan besef dat daar ‘n nuwe leier nodig is sowel as ‘n alliansie tussen die grootste opposisiepartye, uitgesluit die EFF, sal dit kiesers wat so keelvol is vir politiek weer inspireer om hul stem by die stembus te laat hoor. Die DA se “storie” van “ons regeer beter” is nou verby sy rakleeftyd. Wat my verder grensloos amuseer is dat die DA en die VF+ mekaar as “vyande” sien, terwyl die ANC en die EFF die “vyand” is. Die tyd om die tipe veranderinge aan te bring is nou en nie ‘n jaar voor die volgende verkiesing nie. Vir my as blanke kieser het ek nie veel alternatiewe nie en die grootste twee nl die DA en die VF+ is vir my ewe onaanvaarbaar. Vergeet nou die “een SA vir almal” snert en bou ‘n alliansie wat die belange van minderhede voorop stel.

petrus ·

dit verklaar die 1.4%… dankie!
ek wou se iemand se somme klop nie

Elizabeth ·

Maimane is nou wel nie alleen verantwoordelik vir die verlies aan steun nie, maar hy het darem sy uiterste bes gedoen om ‘n groot deel van sy kiesers te vervreem. Onthou ook: as mens eers tuis geraak het in ‘n (ander) party, stem jy in die volgende verkiesing weer vir hulle. Koebaai DA!

Alida X ·

Omstandighede is moeilik en uitdagings baie.
Ek probeer hard om positief te bly met alles wat om ons aangaan .
Die hare is grys en die gang nie so vinnig soos 10jaar terug nie maar ek staan elke oggend vol dankbaarheid op.
Ons pak die werk op die plaas met ywer aan en beplan aan uitbreidings. Toerustig word reggemaak in die stiller tyd.
Dan lees ek van grondonteiening en wonder of ons mal is om te investeer. Dan weet ek ook tot daardie dag kom moet ons hier positief aangaan en vir die kinders ‘n voorbeeld stel.
God het ons 25jaar gelede hier op die plaas geplaas en elke dag onderhou en krag gegee om ons deel te doen.
Dit is verblydend om so positiewe uitkyk van ‘n jongmens te lees,
As ons as ouers minder negatief is en kritiseer sal die jeug ook meer positiewiteit uitstraal.
Dankie Paul

D B ·

Die eerste leier onder wie die DA verswak het. Hou hom, sommer vir nog 5 jaar, dis baie goeie nuus. Hoe langer hy bly, hoe vinniger gaan die DA val. Die Wes-Kaap val eerste.

Andreas ·

En hoe vinniger gaan die EFF groei? Terloops, as hulle nou vir Mmusi as leier moes vervang, sou hulle nou een kollosale katestrofe ontkenten het.

AgterOs ·

As oposisie party kon die DA nooit regtig iets doen nie en dit begin hul nou te byt:
Tony Leon was ‘n gentleman in die parlement. Hy het moeilike vra gevra, mense laat dink maar hy kon nie veg nie.
Helen Zille was/is soos ‘n leë blik – groot lawaai, maar dis ook dit. So af en toe het haar lawaai die ander partye laat regop sit…
Mmusi Maimane is so bietjie van beide – ‘n gentleman in parlement en ‘n leë blink onder sy party lede… die lawaai het baie afgeskrik.

KrokodilBotha ·

Met trots is ek ook nie n DA aanstaander nie. Voel nie eers jammer vir sy ondersteuners nie. GMF!

Willem Grobler ·

Die DA het so vêr agteroor gebuig vir swart stemme dat sy kop aan sy hakskene geraak het. Wel, daar het jy dit nou – die swartes het steeds vir die ANC gestem en die ANC Lite ag jammer ek bedoel die DA het wit stemme verloor. Swart leier en al het die plan misluk.

Jimmy ·

Maimane kan nou by die VF+ aansluit. Hy sal baie gelukkig wees tussen die regses.

Stebastiaan ·

Jimmy jy slaan die bal ver mis as die VF+ ‘n regse party was en net regse blankes toegelaat het sou hul nie aan die verkiesing kon deelneem nie anders as die ” blf” wat net swart toelaat. VF+ baklei vir die minderheid in die land wat om elke hoek en draai beswader word deur oningeligtes en wat daarop uit is om onmin te saai!!!

Dries du Toit ·

Ek is nie n DA ondersteuner nie maar dink dat Mmusi n uitstekende leier vir die DA is. Ongelukkig is hy nie eerlik met ons as blanke nie. Hy veg uitstekend vir SY mense. Die probleem is dat daar nog n menigde blanke is wat onder die Illusie leef dat hy vir hulle sal baklei. Maar hy is n baie beter leier as Ramaphosa. Hy wys Ceryl se leeuens so goed uit in die parlement en wat hy daar doen stem ek met hom saam. Cyril is maar vrek bang vir hom

Andreas ·

Daar is nou drie leiers wat baklei, die ‘upstart’, die ‘next start’ dan die ‘mis start’

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.