Maimane: ‘Die ANC bestaan nie meer nie’

Mmusi Maimane. Foto: DA

Mmusi Maimane. Foto: DA

Vir alle praktiese doeleindes bestaan die ANC nie meer nie, het Mmusi Maimane, leier van die DA, Saterdag by die Wesleyan-kerk in Waaihoek, Bloemfontein, “waar die ANC van ouds gebore is”, gesê.

Maimane het gesê die DA het by die historiese kerk bymekaargekom om vaarwel te sê aan ʼn organisasie wat die verloop van Suid-Afrika se geskiedenis verander het.

Volgens Maimane was die ANC vir talle die gesig van die versetbeweging teen apartheid en is dit gereflekteer in die oorweldigende steun wat hulle in 1994 in die land se eerste demokratiese verkiesing behaal het.

“Agter die logo, kleure en slagspreuke is daar geen ooreenkoms tussen die ANC van 2016 en die beweging wat so ʼn belangrike rol gespeel het in die bevryding van swart mense van die onwettige en wrede apartheidsregering nie,” het Maimane gesê.

Volgens Maimane is dit vir enige organisasie ʼn merkwaardige prestasie om vir langer as ʼn eeu te oorleef. “Onder pres. Jacob Zuma se selfdienende leierskap en met die samewerking van ʼn party wie se senior figure ʼn onblusbare liefde vir rykdom en mag verkry het,  het dit net ʼn paar jaar geneem om ʼn eeu se moeite en opoffering te vernietig.”

Maimane het gesê dit wat met die ANC gebeur het, is egter niks nuut nie. “Ons het al gesien hoe dieselfde patroon herhaal word met bevrydingsbewegings wat nie daarin kon slaag om die oorgang na ʼn regerende party te maak nie.”

Volgens Maimane is die ANC van ouds dood. Die nuwe een is iets heeltemal anders. Dit is Suid-Afrika se verlies. Die DA is steeds die enigste party wat die Grondwet kan bevorder en verandering vir die mense van Suid-Afrika kan bring.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Sarie

Die ANC was van die begin af ‘n broad church met een gemeenskaplike vyand Apartheid. Nou dat die vyand verwyder is, probeer hulle dit kunsmatig aan die gang hou. Ongelukkig speel die DA ook die ras kaart i.p.v hulle uitspel hoe hulle prakties die land gaan verbeter.

Cherokee

En Maimane weet dat vele wittes wat probeer voorgee dat hulle konserwatief is, stem vir hom wat sy bes probeer om die nuwe ANC te wees.

KP

Ek het nuus vir Maimane, die ANC gaan alle volgende verkiesings wen, al is dit met grootskaalse bedrog. Hulle gaan nie maklik hierdie land op n regverdige manier afstaan nie.

Jo

Maimane jy droom en sien gesigte….tevergeefs!!

elize naude

apartheid is blykbaar deel van suid afrikaanse kultuur… maak nie saak aan watter kant van die kleurgrens nie…