Die voormalige DA-leier, Mmusi Maimane, sal later vandeesweek namens sy nuwe organisasie, One South Africa Movement, in die hof verskyn om die besluit om skole te midde van die Covid-19-pandemie te heropen, ter syde te stel.
Luidens ’n verklaring sal die saak Donderdag en Vrydag in die Pretoriase hooggeregshof aangehoor word.
Dié stap volg nadat Maimane vroeër vandeesmaand ʼn dringende aansoek by die konstitusionele hof ingedien het om te vra dat skole eers oor drie maande heropen. Dié aansoek is egter van die hand gewys op grond van die feit dat Maimane se organisasie nie behoorlik motiveer het waarom hy dié hof direk nader nie.
Maroela Media het vroeër berig Maimane meen dit is onverantwoordelik om skole nou al oop te stel en dat leerders en onderwysers onveilig sal wees.
En hierdie betogers by skole vererger net alles
Ag ou Mmoesie, jy is ou nuus. Jy is tans kleiner as ‘n druppel in die oseaan. Jy spring nou maar net op die wa wat die meeste geraas maak om ook net gesien en gehoor te word. Kry eerder vir jou ‘n regte 9 tot 5 werk.
Howe werk nie mmusi . Optogte en ruk en pluk werk .
Wie betaal ou maat
Die skole wat die regte prosedures volg het nie probleme met Covid-19 nie. Hoekom die skole wat effektief is saam met die onbeholpenes die afgrond intrek. Daar gaan meer skade aangerig word as skole nie oopmaak nie. Daar is beslis vele ander sake wat hy oor hof toe kon gaan.
Presies! Die ekonomie kan nie oop maak as die skole nie oop maak nie…
Hoekom elke skool oor dieselfde kam skeer? As skole eers oor 3 maande open, kan mens die jaar netsowel skrap. Namens wie tree hy op?
‘n Man so na my hart. Skole behoort toe te bly tot nadat die pandemie gepiek het. Dit was in al die lande so. Ons dobbel met hierdie pandemie. En my kinders is in ‘n goeie skool wat ‘gereed’ is. Ek is ‘n medikus. Dis baie gevaarlik om jou kind skool toe te stuur. As jy kan, moet dit nie doen nie.
Maar jou kinders kan, Hoekom haal jy hulle nie uit nie, totdat die piek verby is?
Gaan jou kind “outomaties” na n hoer graad oorgesit word of gaan jy toelaat dat jou kind die jaar herhaal.?
Ek stel voor dat jy die statistieke vir kinders wereldwyd ontleed en dan in n openbare debat met die Pediatriese vereniging tree om hulle standpunt te beveg. En ontleed dan sommer ook wat die gevolge van die “velore jaar ” gaan wees oor die duur van n kind se lewe.
Ander alternatief is privaatonderig vir jou kinders met die sosiale tekortkominge wat daarmee saam gaan.
Daar is ‘n sekere pediatriese pulmonoloog wat oop skole te midde van die pandemie voorstaan. Ek huldig nie dieselfde opinie nie.
Ons huldig dit wel aangesien nie almal so gelukkig is om kinders in n elite skool te kan plaas nie. Al gehoor van goeie bestuur al is dit nie in n elite skool nie?
Covid 19 hou slegs lewensgevaar in vir kinders met onderliggende gesondheidsprobleme. Laat die gesondes skool toe gaan. Hierdie pandemie word heeltemal uit verband uit geruk.
Minder risiko om by die skool aan te steek as in die woonbuurte.
Gaan speel met jou karretjies in die stof
Wat het die man teen skole of probeer hy aandag trek
Die DA is betyds van hom ontslae. Hy skaar hom by die lockdowners.
Sy kinders loop seker skool by die huis met ‘n privaat onderwyser.