Maimane: ‘Zuma het lankal van werkloses vergeet’

Foto: Twitter via @Our_DA

Foto: Twitter via @Our_DA

ʼn See van blou het Woensdag deur Johannesburg se strate beweeg toe die DA ʼn vreedsame optog ter ondersteuning van werkskepping gehou het.

Dit is nie duidelik hoeveel ondersteuners aan die optog deelgeneem het nie, maar volgens die DA se Twitter-profiel, was dit meer as 15 000 mense.

Die optog het tot ʼn stilstand gekom onder ʼn reuse banier wat die party ʼn paar weke gelede op ʼn gebou laat aanbring het. Op die banier, wat intussen deur onbekende persone geskend is, word president Jacob Zuma en die ANC blameer vir die hoë werkloosheidsyfer in die land.

Mmusi Maimane, die leier van die DA, was een van ʼn paar rolspelers wat die skare onder luide toejuiging toegespreek het. Maimane het gesê dit is noodsaaklik om iets aan werkloosheid te doen om ʼn toekoms vir Suid-Afrikaners te verseker. “Werklose Suid-Afrikaners moet weet: President Zuma en die ANC het lankal van julle vergeet,” het Maimane gesê.

“Dit is waarom ons hierdie plakkaat 20 dae gelede hier opgesit het. Op 7 Januarie het die aantal [werklose mense] op 1,84 miljoen gestaan. In die afgelope 20 dae is meer as 15 000 Suid-Afrikaners bygevoeg – dit is meer as 770 elke dag. Maar kyk wat het die ANC gedoen. Het hulle kwaad geraak oor die werkloosheid? Nee. Hulle het kwaad geraak vir ons banier. Hulle het dit rassisties genoem en dit geskend,” het Maimane gesê.

Maimane het aan die skare gesê Zuma beskerm ʼn klein groepie mense met die regte kontakte, terwyl miljoene Suid-Afrikaners na hulself moet omsien. Hy het spesifiek ook verwys na Zuma se beweerde beskerming van die Gupta-familie en SADTU-leiers. “As jy nie in die sirkel is nie, kan jy doodeenvoudig nie op die regering staatmaak vir beskerming nie. Hulle ken jou nie. Jy is ʼn ekonomiese buitestaander.”

Hy het ʼn beroep op die publiek gedoen om tydens die komende plaaslike verkiesings vir ʼn regering te stem “wat weet hoe om die ekonomie in die regte rigting te laat beweeg” en nie ʼn regering vir die binnekring is nie.

Teen Woensdagmiddag was die hutsmerk #DAforJobs een van die top 10 gewildstes op Twitter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
alida

Ek het na Mnr Maimane geluister op RSG vandag en het baie respek vir hom gekry. Dit man is geletterd en praat nie klomp bollie nie. Mens moet mooi luister na wat hy se dan sal ons verstaan. Hy praat uit die vuis en het nie ‘n papier nodig om hom aan goed te herinner nie en ergste van alles “party mense” weet nie wat daar staan nie want ons kan nie lees nie !!!! Hoera vir Mnr Maimane.

Elinette

Die DA is maar soos die ANC, die ANC is soos die VF+, die VF+ is soos …. enige ander politieke party. Kom stemtyd, dan word allerlei beloftes gemaak; is stemtyd verby, dan POEF! – weg is al die beloftes gemaak. Ek het in 1999 laas gestem, juis omdat ek gevoel het my stem tel in elk geval nie en daar word soveel bedrog gepleeg met verkiesings (maak nie saak WAT die OVK sê nie). Onlangs het ek oorweeg om weer te stem in vanjaar se munisipale verkiesings en my stem sou aan die DA gegaan het. Nou, na mnr.… Lees meer »

m

Die mense sal nou enige iets se en belowe vir stemme. Na die tyd dan worry hulle oor niemand nie want hulle het mos nou die stemme. Almal is maar ewe pateties

alida

Elinette as jy geluister het sou jy verstaan het. Ek het ook soos jy gevoel maar weet nou van beter.

Kaspaas

Die DA is n wolf in skaapklere. Nie veel anders as ANC.