Majoor kan moontlik privaat vervolg word ná Facebook-plasing

Majoor MV Mohlala. Foto: Via Facebook

Die burgerregte-organisasie AfriForum het die afdanking van maj. MV Mohlala verwelkom en aangedui dat hulle die saak sal dophou en privaat vervolging teen hom instel indien nodig.

Maroela Media het vroeër berig dat Mohlala, destyds verbonde aan die Wonderboom- militêre basis, geantwoord het op Johan van Wyk, se plasing op Facebook ná sy pa, ds. Braam van Wyk (80),  wreed aangeval is.

Van Wyk het op 10 Maart ʼn foto van sy pa se erg aangerande gesig op Facebook gedeel ná ʼn aanval vroeër die dag in Ysterhoutweg in Randparkrif in Randburg. Van Wyk het op Facebook geskryf: “Watter lafaards skop ʼn 80-jarige man in sy gesig terwyl sy hande agter sy rug vasgebind is? Hulle het ook sy vriend, afgetrede prof. Kobus Naude, wat ʼn wonderlike man was, vermoor deur hom met ʼn mes in sy hart te steek.”

Mohlala het in reaksie op Van Wyk se plasing die aanvallers se optrede goedgekeur. Op sy Facebook-profielfoto wat by die inskrywing verskyn het, sit hy in sy weermaguniform met sy naam op ʼn plaatjie op sy bors aangebring.

“Die aanvallers moes sy oë en tong uitgesteek het sodat die laaste gesigte wat hy ooit sou sien, dié van die moordenaars sou wees en hy na sy graf kon gaan met die nagmerrie,” lui die beweerde inskrywing wat sedertdien verwyder is. Hy het glo ook gesê: “Apartheid is in hom [Braam]. Al hierdie ou wit mense dink ons is onnosel as hulle sê hulle was teen apartheid gekant. Ons sal nie vergeet wat hulle gedoen het nie. Nou is dit die wit mense se beurt.”

Brig.genl. Mafi Mgobozi, woordvoerder van die Suid-Afrikaanse Nasionale Weermag (SANW), het die nuus Dinsdagoggend aan Maroela Media bevestig dat hy afgedank is.

Willie Spies, AfriForum se regsverteenwoordiger, sê dat die besluit deur die SANW en die minister van verdediging en militêre veterane, Nosiviwe Noluthando Mapisa-Nqakula, volg op ’n skrywe deur AfriForum se prokureurs ses weke gelede waarin die rede versoek word vir die minister se destydse besluit om Mohlala slegs te waarsku.

“AfriForum sal verdere ontwikkelings in hierdie saak dophou en, indien nodig, privaat vervolging teen Mohlala instel,” sluit Spies af.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Charlene

Goed so!!

Se maar net

Maar Penny sparrow is tronkstraf opgele en beboet, en hierdie maj word maar net afgedank.

snoefie

klaar ccma toe gehardloop. hu!lle sal aandring dat hy n maand se salaris vir elke dag wat hy werkloos was, bergoed word en met promosie weer aangestel word.

marous

Waarom privaat vervolg ? Gooi kas vol geraamtes in die MRK se kantoor neer oor hul eensydige optredes teen blankes .

Dennis

Dankie AfriForum……!! Die ou hoort agter tralies asb!!