Makhosi Khoza uit voorsittersrol gepos

Dr. Makhosi Khoza, ANC-LP (Foto: Facebook)

Die ANC het dr. Makhosi Khoza van haar amp as voorsitter van die portefeuljekomitee van openbare dienste en administrasie met onmiddellike inwerkingtreding onthef.

Nonceba Mhlauli, woordvoerder van die ANC, het gesê dit is weens onherstelbare skade aan die verhouding tussen Khoza en ANC-lede van die komitee.

“Dit is weens haar openbare uitlatings voor die mosie van wantroue asook haar openbare aanvalle op ANC-leierskap en lede van die koukus wat teen die mosie gestem het. Dit het gelei tot vervreemding tussen haar en LP’s in haar komitee wat intussen besluit het om alle aktiwiteite waarby sy betrokke is te boikot,” het Mhlauli gesê.

Mhlauli het bygevoeg die ANC-koukus se dissiplinêre proses gaan reeds sy gang met betrekking tot die portefeuljekomiteelede wat die portefeulje se vergadering op 15 Augustus geboikot het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Mickey Ritter

Kan ‘n politieke party (of te wel beweging) dan die voorsitter van ‘n parlementêre kommissie dan in die pad steek?

Justice

Een ding van Dr. Khoza – sy beskik oor logiese denke en is beslis nie onnosel nie.

Boetman

Ai as daar tog net meer van Dr Makhosi was. Dr moet asb nie tou opgooi nie

Catherine

Geen plek in regering vir eerlike mense

Lemmer

Sy moes die openbare beskermer wees