Malema benadruk onteiening sonder vergoeding

EFF-ondersteuners by die Giant-stadion in Soshanguve tydens die bekendstelling van die EFF se verkiesingsmanifes (2 Februarie 2019) (Foto: Brenda Masilela/ANA)

Julius Malema, leier van die EFF, het Saterdag tydens die bekendstelling van sy party se verkiesingsmanifes weer die versoek om grondonteiening sonder vergoeding benadruk.

“Die grond kom terug na ons mense toe, of hulle nou daarvan hou of nie,” het hy by die Giant-stadion in Soshanguve, noord van Pretoria, gesê. “Ons gaan artikel 25 van die Grondwet wysig om grondonteiening sonder vergoeding moontlik te maak. Ons gaan hulle nie betaal nie. Hulle het ons grond met geweld afgeneem; hulle het ons mense doodgemaak; hulle het ons mense verkrag; hulle het die grond gesteel. Ons kan nie moorde beloon nie.

“Ons wil ons grond terughê – daardie kwessie is ononderhandelbaar. Die grond moet aan die staat behoort. Daar sal ʼn grondraad wees en jy sal na die grondraad toe kan gaan en ʼn stuk grond kan aanvra en verduidelik wat jy met die grond wil doen,” het hy verduidelik.

ʼn Aantal ondersteuners van die Pan Africanist Congress of Azania het ook die bekendstelling bygevoeg. Die 18 000-sitplek stadion was volgepak en sommige ondersteuners moes op die gras staan.

Malema het belowe dat bouers onder die EFF se leierskap R7 000 sal verdien; pompjoggies R6 500; skoonmakers R4 500; huishulpe R5 000; veiligheidswagte R7 500; en kelners R4 500.

Onderwys en opleiding sal gratis en verpligtend wees. “Jy sal gedwing word om skool toe te gaan. Ons sal jou met mag en mening soontoe vat. As ons uitvind dat jy nie skool toe gaan nie, sal ons jou in ʼn polisiewa gooi en jou skool toe vat,” het Malema gesê.

Die party het onderneem om armoede en werkloosheid te takel, maar die manifes het nie ʼn duidelike aanduiding gegee hoeveel mense werksaam sal wees nie. Die EFF het beloof dat hy ʼn massiewe en beskermde volhoubare nywerheidsontwikkeling- en diversifikasieprogram sal lei om “miljoene poste tussen 2019 en 2024” te skep.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Wurmpie

Kan hoor en sien hy is ń volleerde man. Weet alles van finansies en boer en nogwat

Johan

Die EFF se leierskap sal natuurlik ná grondgrype goed vir hulleself sorg. Net die beste, grootste en luukstes sal vir die elite sal goed genoeg wees met ongelooflike vergoedingspakkete vir hulleself. Ten koste van die gewone landsburger wat soos in die geval van Zim, sal krepeer van ellende.
Die EFF is ‘n “Doomsday Party”, en heel waarskynlik die mees rassistiese party in die wêreld!

Danie

Dis altyd lekker om te lees hoe hierdie man dink net soos ń passer om sy eie gat….Weet nie hoe hy sy berekeninge doen nie maar een ding is verseker hy is net agter zuma as dit by bewerkings kom.

Callie

Daar kan regtig nie twyfel wees oor jou intellek, integriteit, opvoedingswaardes en jou gewone redenaars vermoens as jy EFF stem nie. Jy gaan stem vir n party met leiers wat Limpopo provinsie bankrot getenderpreneur het. Wat die armstes deur VBS bank verder verneder het. Hoe stem jy vir so iemand, kan van sy volgelinge dit dalk verduidelik. Is dit moontlik dat hulle almal inherent so vol bedrog is dat sulke dinge vir hulle normaal is

SjN

Die klomp kry hopeloos te veel publisiteit en gratis media dekking