Malema by etiekkomitee verkla oor VBS-geld

julius-malema

Julius Malema. Foto: Werner Beukes/SAPA

Die DA het Dinsdag gesê hy gaan Julius Malema by die parlement se etiekkomitee verkla oor bewerings dat die EFF-leier deur middel van Mahuna Beleggings voordeel getrek het uit fondse verbonde aan die beleërde VBS Mutual Bank.

Malema ontken sy beweerde betrokkenheid by fondse wat van die bank, wat die Suid-Afrikaanse Reserwebank (SARB) in 2018 onder kuratorskap geplaas het, gesteel is.

John Steenhuisen, hoofsweep van die DA, het gesê die party kon vasstel dat Malema nie in 2017 óf 2018 Mahuna Beleggings op enige manier verklaar het nie.

“Indien die bewerings waaroor berig word wel waar is, sou Malema nie net die wet een keer oortree het nie maar verskeie kere en sou hy teen die gees van ons Grondwet optree wat streef om waardigheid en gelykheid vir alle mense in Suid-Afrika te verseker,” het Steenhuisen vroeër vandag in ʼn verklaring gesê.

Steenhuisen voer aan dat die geld wat Malema glo aan luukshede soos hotelle, perdewedrenne en ontwerpersklere bestee het, die spaargeld van duisende Suid-Afrikaners verteenwoordig wat sukkel om daagliks te oorleef, om nie eens te praat van spaar vir hul oudag nie.

Die DA het in November verlede jaar klagte teen Malema en ander lede van die EFF aanhangig gemaak oor hul beweerde betrokkenheid by die plundering van geld wat by die VBS gedeponeer was.

Volgens Steenhuisen kan die DA hom nie blind staar teen Malema se miskenning van die instelling van die parlement nie.

“Ons sal dus nou ook mnr. Malema by die komitee oor etiek en belange van die parlement aangee sodat hierdie komitee sy oortreding van die gedragskode van die parlement, asook die reëls en regulasies rakende die openbaarmaking van belange kan ondersoek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Pieter

Da julle mors julle tyd hy sal niks oor kom nie die anc het hom groot gemaak

Michael P

Ag nou #### julle teen donderweer hierdie mense ken net kurupsie en die wat moet aankla is net so kurupt.

leser

wanneer gaan malema eendag sy “STRAF” kry, (tronk straf), vir al sy oortredings, soos, haatspraak, geld verduister, geld wassery, afvuur van wapen in die openbaar, ens., ens., ens. ?????

iemand, verskaf ons die inligting, asb.

N Lourens Reitz

Goeie werk en navorsing gedoen Pauli van Wyk van Daily Maverick. Ek dink dit is ondeurdag en sal beslis in die hof slaag. DA is nou wel ook hier betrokke maar moenie dat hul al die krediet hiervoor opneem nie

Poot

ETIKETKOMMITEE???????? REGTIG? Hoeveel freekin kommitees moet daar nog wees? Word hierdie mense nie meer strafregtelik vervolg nie? So met al die verkragtings, moorde en wat nog meer….. stel FREEKIN kommitees aan.