Malema daag nie op by KZN-grondgrypsaak

Julius Malema Foto: ANA

Julius Malema, leier van die EFF, het nie Vrydag by die Newcastle-landdroshof opgedaag vir ʼn saak oor aanhitsing en betreding nie.

Sy regspan het Malema verteenwoordig en die saak is weer uitgestel.

Die Nasionale Vervolgingsgesag het gesê Malema moet op 25 Junie weer in die hof verskyn.

Malema het in Junie 2016 aan sy ondersteuners in Newcastle gesê hulle moet die grond beset, want dit behoort aan swart mense en dat wit mense nie eienaarskap van die grond kan eis nie. Ná hy in November 2016 by die Newcastle-landdroshof verskyn het, het Malema buite die hof weer aan sy ondersteuners gesê hulle moet die grond beset, “want hulle het nie die land vir julle gegee nie”.

“Al moet ek tronk toe gaan omdat ek vir julle sê julle moet die grond vat, dan moet dit maar só wees. Ek is nie bang vir die tronk as ek oor die grondkwessie gaan nie. Ek is bang vir die tronk as ek oor korrupsie soontoe moet gaan. Ek wil nie oor korrupsie tronk toe gaan nie, maar ek sal vir die grond tronk toe gaan,” het hy aan ondersteuners gesê. “Ons vra nie die slagting van wit mense nie – ten minste nie nou nie.”

Malema het in 2014 by die EFF se verkiesingskonferensie in Bloemfontein aan lede gesê hulle moet grond beset, en hy is daarna vir die eerste keer aangekla onder die Wet op Oproerige Byeenkomste. Toe hy in 2016 op dié aanklagte in ʼn hof in Bloemfontein verskyn het, het hy weer vir sy ondersteuners buite die hof gesê hulle kan “enige mooi stuk grond wat hulle sien” vat, want dit is deur “volksmoord” by swart mense afgeneem.

Malema het ʼn sleutelrol gespeel dat die kwessie van grondonteiening sonder vergoeding na die politieke diskoers gebring is.

Die EFF het in Februarie ʼn mosie van onteiening sonder vergoeding in die parlement voorgestel, en dit is deur die meerderheid goedgekeur. Die ANC het gesê onteiening sonder vergoeding moet op só manier plaasvind dat landbouvervaardiging en voedselsekuriteit verhoog en die ekonomie nie skade ly nie.

Die parlementêre grondwetlike hersieningskomitee ondersoek tans artikel 25 van die Grondwet en ander nodige klousules om te bepaal of onteiening sonder vergoeding moontlik sal wees. Die komitee moet sy bevindings voor 30 Augustus aan die nasionale vergadering voorhou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Halo

Natuurluk sal die gemors nie by die hof opdaag nie. Hy is mos verhewe bo alle mense en dus kan hy alle die aanklagte en tronkstraf vry spring.
My raad is sluit hom toe en die misdaad sal afneem.

Gerrit

So sal dit uitgestel word tot dit afgestel word korrupte land korrupte mense ….Australië kan net beter wees.

Sonja

Grond is gekoop.. nie net gevat ni. Maar ek sien dis moeilik om te verstaan vir Malema.
Kry hulle geld en di grond is daar in elk geval nix oor n jaar oor ni. Grond gaan ni bewerk word en mense gaan begin honger ly. Zim nr 2 hier kom ons.

Johan

Natuurlik sal hy nie…..hy is mos above the law…..

Eish

Dit wil voorkom of politici en ampsbekleërs in die staatdiens verhewe is bo die reg en parlementêre ondersoek. Wegbly van hofsake en afsprake met die oog op ondersoek, word eenvoudig geignoreer.