Malema glo ‘agtervolg, uit motor gedwing’

Julius Malema Foto: Werner Beukes/SAPA

Julius Malema Foto: Werner Beukes/SAPA

Julius Malema, leier van die EFF, beweer hy is Sondagaand in Sandton deur gewapende polisiebeamptes uit sy motor gedwing.

Mbuyiseni Ndlozi, woordvoerder van die EFF, het gesê Malema se motor is by die Grayston-afrit deur ʼn “wit ongemerkte wa” van die pad af getrek en dat daar binne oomblikke ʼn verdere 10 polisiemotors op die toneel was. “Die polisiebeamptes het uit die motors geklim, hul vuurwapens op sy motor gerig en hom gedwing om uit te klim.”

Volgens Ndlozi is die hele afrit vir verkeer afgesper. “Malema het uit die motor geklim, maar die polisie het niks gedoen nie en beweer dit was ʼn fout.” Ndlozi het gesê Malema het hierna terug in sy motor geklim en om die polisiemotors en oor ʼn randsteen gery om weg te kom.

Ndlozi het gesê die EFF beskou die voorval as “intimidasie” en dit is glo duidelik dat Malema deur die “vyand” agtervolg word. Ndlozi het gesê Malema was in Soweto vir ʼn vergadering en dat die “wit wa” hom vermoedelik van daar af agtervolg het.

“Die mense van Suid-Afrika en die wêreld moet weet dat die huidige regime gewelddadig begin raak. Ons sal die mense van elke voorval inlig, want hulle moet weet in watter toestande ons sake moet doen,” het Ndlozi gesê.

Maroela Media sal navrae aan die polisie rig in verband met die beweerde voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
GES

Die metodes en wette van Afrika in aksie.

Mielie

Stem saam, hy het geloofwaardige aankondiging gemaak omtrent geld wat landuit is. Of hy speel nou speletjies, met die kiesers. Laas week het n aktivis “verdwyn” een wat saam met hom kop in een mus is, die vraag is of hy ook nou gaan “verdwyn”, veral omdat hy nou sy bron gaan bekend maak. Dis dalk net n limelight ding, mens sal nie weet nie.

Manie

Nou kla hy. Wat van al die intimidasie wat hy en sy party gereeld toepas op onskuldige mense. Moenie aan ander doen wat jy nie aan jouself gedoen wil hê nie.

christine

Ja tag wie gaan nou omgee. Hy kla met die witbrood onder die arm. Ons word nog slegter behandel. Wou jou besteel ou haas. Welkom in die land vra vir die rugbyspelers hulle weet net hoe om met hulle te werk. Soe vir n gradieerder maar LEKKER dom

Theresa B

Nou moet ek liewers niks sê nie……………………………….