Malema in hof oor grondbesettingsuitsprake

Die EFF-leier Julius Malema en ander lede van die EFF-leierskap tydens die party se verjaarsdagvieringe in Durban (Julie 2017). Foto: ANA

EFF-leier Julius Malema, wat aangekla word van aanhitsing om ʼn misdaad te pleeg, moet Vrydag weer in die Newcastle-landdroshof verskyn.

Die saak is op 4 Julie tot 1 September uitgestel nadat Malema se regspan ʼn aansoek by die hooggeregshof ingedien het om die grondwetlikheid van die Wet op Oproerige Byeenkomste te betwis. Die EFF beskuldig die regering daarvan dat hulle “apartheidswette” gebruik om die kritici stil te maak. Malema se regspan het die hof toe versoek om die saak teen hom uit te stel hangende die hooggeregshofuitspraak.

Volgens die klagstaat word Malema aangekla van die oortreding van artikel 1(1) van die Wet op Betreding. Malema het in Junie verlede jaar sy ondersteuners in Newcastle aangemoedig om grond onwettig te beset, omdat die grond “aan swart mense behoort”. Hy het gesê wittes kan nie aanspraak maak op eienaarskap van grond nie.

Nadat Malema verlede jaar in November vlugtig in die hof verskyn het op aanklag van oortreding van die Wet op Oproerige Byeenkomste, het hy buite die hof weereens aan sy ondersteuners gesê om grond te beset omdat daar nog nie aan hulle grond gegee is nie. “As dit beteken ek moet tronk toe gaan omdat ek vir julle sê om grond te vat, dan moet dit maar so wees,” het hy gesê.

“Ek is nie bang vir die tronk oor die grondkwessie nie. Ek is net bang vir die tronk as ek daarheen moet gaan oor korrupsie. Ek wil nie tronk toe gaan vir korrupsie nie, maar ek wil tronk toe gaan vir grond. Ons vra nie vir die slagting van wit mense nie, ten minste nie vir nou nie,” het hy gesê.

Malema het in 2014 tydens ʼn EFF-verkiesingskonferensie in Bloemfontein vir die eerste keer aan die party se ondersteuners gesê om grond te beset. Nadat hy in Bloemfontein in die hof verskyn het oor hierdie uitsprake, het hy net weer aan sy ondersteuners buite die hof gesê om “enige mooi stuk grond” wat hulle sien te beset, “omdat die grond deur volksmoord by swartes afgeneem is”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
m

En wat gaan nou met hom gebeur. Hy mos een van die untouchables…..

manuela

Skrikwekkende woorde. “…ten minste nie nou nie…” Kim Jong Un en Malema kon boeties gewees het.

Hans

Op ons kniee sal ons oorwin,dis al wat ons oorhet.

Leahim

Ek respekteer nogal die ou sê nie altyd slim goed nie maar sê hoe hy voel sonder vrees om altyd polities korrek te probeer wees .Hy kry pakslae in die parlement maar vat Zuma aan n baie goeie leier maar hy kort net n slim adjunk om hom te lei met die wettige implikasies van sy uitsprake.

Kobus

As daar net 1 wit ou was soos ou so dit ook baie beter met witmense gegaan het.maar die wit mense kan net praat dis al