Malema, Ndlozi vandag in hof verwag

Julius Malema en Mbuyiseni Ndlozi (regs). Foto: EFF

Julius Malema, leier van die EFF, en Mbuyiseni Ndlozi, EFF-woordvoerder, sal na verwagting vandag in die Randburg-landdroshof verskyn.

Malema en Ndlozi word vir die beweerde aanranding van ’n kolonel in die SAPD vervolg ná volgehoue druk deur AfriForum.

Malema en Ndlozi het in April verlede jaar na bewering ’n senior polisieman in uniform aangerand tydens ’n voorval wat op kringtelevisiekameras vasgevang is.

Dié senior polisieman het ’n klagte by die polisie aanhangig gemaak, maar dit het geen polisie-aandag geniet totdat AfriForum se privaatvervolgingseenheid in Januarie navraag oor die ondersoek gedoen het nie.

Die Nasionale Vervolgingsgesag (NVG) het in September bevestig dat Malema en Ndlozi vervolg gaan word vir die beweerde aanranding by die begrafnis van Winnie Madikizela-Mandela.

Adv. Gerrie Nel, hoof van AfriForum se privaatvervolgingseenheid, het vroeër gesê dit is betreurenswaardig dat AfriForum soveel druk op die NVG moet uitoefen om bloot hul grondwetlike plig na te kom.

“Ons sal die verloop van die saak noukeurig volg om te verseker dat geregtigheid vir die klaer geskied,” het Nel gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Johan

Gerrie help asb met uitstaande saak van juluis oor afvuur van wapen in publiek soos waargeneem op tv. Dit draai darem nou te lank as dit n blanke wss het hulle al sy wapens gekonverskeeren seker in tronk. Wat het van die wet op eienaarskap , bevoegdheid ens. Sal ons almal wag wat sukkel met hernuwing van lisensies en sien of wetgewing gaan verander oor kerstyd

Willie

Die problem is dat JM die ANC se skoot hondjie is… Kyk maar in die Parlement CR dink hy is snaaks… Dis eindelik om van naar te word… dis n spieel beels van wat hulle is…

jakes

Die polisieman kon nie baie paraat gewees het dat Malema en Ndlozi hom kon aanrand nie. Jy moet werklik baie swak wees om beide n goeie loesing te gee.

ore

Sal seker weer uitgestel word of hy sal onskuldig bevind word waarna hy weer ‘n gulde geleentheid sal kry om van ‘n verhoog af te gil en skree oor blankes wat uitgemoor moet word,nie nou nie maar wel later.Nog ‘n dag vir die nar om verder haat teenoor ons aan te blaas

Pierre Diederiks

Jakes nou wat dink jy sou met die polisieman gebeur het , hy terug baklei het teen hulle ? 2 Dinge sal gebeur , hy sou onmiddelik sy werk verloor vir aanranding en die aanval sal as rassitiese aangevuur word , tweedens hy sal in die tronk op eindig of n helse boete kry teen hom ! Het jy vergeet hulle is ontasbaar !