Malema: ‘Ons sal Gauteng onregeerbaar maak’

Julius Malema. Foto: Werner Beukes/SAPA

Julius Malema. Foto: Werner Beukes/SAPA

Julius Malema, leier van die Ekonomiese Vryheidsvegters (EFF), het gewaarsku dat indien partylede weer uit die Gautengse wetgewer gejaag word, hy die provinsie onregeerbaar sal maak.

“Indien daar voortgegaan word om die EFF by wyse van oproerige metodes uit die wetgewer te verwyder, sal dit tot onstabiliteit in hierdie provinsie lei,” het Malema aan verslaggewers in Johannesburg gesê.

“Ons sal veg. Ons het die vermoë om ons mense mobiliseer en om fisies te veg.” Malema het die uitlatings gemaak nadat EFF-lede uit die Gautengse wetgewer gejaag is oor hul rooi oorpakke. Die polisie is ontbied nadat hulle geweier het om die wetgewer te verlaat.

“Ons is bang vir niks. Ons sal ons kiesers na die stad bring en hulle sal weet wie ons is. Hulle moet ons nie druk nie want ons het die kapasiteit om te veg.”

Malema sê die ANC moet onthou dat hy nie die provinsie in die afgelope verkiesing gewen het nie. Hy sê die uitslae was “korrup en vals”.

“Die ANC het in Gauteng verloor. Hulle [die ANC] weet wat in Alexandra gebeur het. As ons nie ingegryp het nie, sal die provinsie net as gewees het.”

Inwoners van Alexandra het amok gemaak kort na die verkiesing nadat stembokse in die township gevind is. Inwoners het paaie met brandende bande versper en talle mense is in hegtenis geneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
PURE BOER

Nou maar laat hy begin veg!!!! Ek is al so moeg en sat vir die nar. Hy kan ook net praat. Hy is nes HITLER.
Ek dink meeste van ons is al lankal lus vir n maklike fight

Eben

Kry vir julle anc … julle het mos die vet babatjie groot gemaak! Saaaaa….. vat hom!!

AmY

Maar hy is mos ‘n rebel en ‘n belhamel. Kry vir julle ANC Julle het hom alles geleer en nou pas hy dit toe. Karma is nie ‘n lekker dêng nie, né???!!!

Daar kom nog erger dinge julle pad langs. Geniet dit.

Erich Goosen

Ek’s ‘n dapper muis …….

Conrad

Groot asseblief Julius, doen dit…