Malema, Shivambu glo in Zondo se visier

Julius Malema (Foto: EFF/Twitter)

Dit blyk dat die EFF-leierskap nou in die visier van die Zondo-kommissie van ondersoek na staatskaping is.

The Sunday Times het Sondag berig die Zondo-kommissie het vier van Suid-Afrika se grootste banke gedagvaar om die finansiële rekords van onder meer Julius Malema, leier van die EFF, en Floyd Shivambu, adjunkpresident van die EFF, te verskaf.

Malema se vrou, Mantoa, sy oorlede ouma, Sarah, sy advokaat, Ian Levitt, sy Ratanang-familietrust asook verskeie maatskappye wat met hom verbind word, word na bewering ook ondersoek.

Die finansiële rekords van Shivambu se broer, Brian, en dié se maatskappye wat by die VBS Bank-skandaal betrek is, is ook aangevra.

Luidens die berig het die betrokke banke reeds die nodige inligting verskaf en ondersoekers is reeds besig om die finansiële rekords van 36 entiteite na te gaan.

Malema het egter aan The Sunday Times gesê hy is nie bewus van die dagvaardings nie. Hy voer aan dat hy sy finansiële rekords sou verskaf het as die kommissie hom daarvoor gevra het.

Floyd Shivambu

Shivambu het intussen op sy beurt die kommissie daarvan beskuldig dat hy ʼn politieke agenda dryf.

“Noudat Zondo en die administrateurs van die staatskapingskommissie nie daarin kon slaag om die Guptas vas te trek nie, gebruik hulle die kommissie om politieke gevegte van Jamnandas (sic) [min. Pravin Gordhan se middelnaam is Jamnadas] en die wit kapitalistiese establishment te beveg. Ons sal hul misleidende politieke agenda blootlê. Walglik!” het die EFF-adjunkleier Sondag getwiet.

Maroela Media het vroeër berig die Zuma-stigting het verlede week ook teenoor die kommissie uitgevaar nadat ʼn dagvaarding aan oudpres. Jacob Zuma beteken is waarin die datums vir sy verskyning voor die kommissie uiteengesit word.

Ingevolge die aansoek vra die sekretariaat van die kommissie ʼn bevel van Zondo dat hy toegelaat word om ʼn dagvaarding uit te reik wat Zuma dwing om tussen 16 en 20 November voor die kommissie te verskyn.

Die stigting beskuldig die kommissie en sy getuienisleiers daarvan dat hulle niks anders is nie as ʼn “politieke proses wat hom voordoen as ʼn regsproses” terwyl daar agter die skerms politieke toutjies getrek word.

“Die voortgesette bevooroordeling deur die kommissie en sy voorsitter jeens pres. Zuma bevestig ons vroeëre vrese van vooroordeel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Blikke

Tyd dat die mannetjie en sy maatjie bietjie vasgevat word…..gaan nogal interessant wees om te sien hoe die poppe dans.

Ja Wat

Ha Ha kry vir julle,julle is dan deel van die Guptas hoe praat jy nou Mnr.Floyd

Willem

Pinocchio se neusie raak al hoe langer

Persheks Adri

Ag al WEER net ondersoek en NIKS gebeur met Mal-emma nie! Haat spraak, aan hits van geweld en openbare rassisme is mos shaps in die land. Hulle word nie eers toe gesluit nie, maar blanke boere moet sit en van terrorisme aan gekla! Die regstelsel is ‘n gemors tsek EFF tsek ons hou niks van julle nie. ANC beskerm die knaap so dis nie eers snaaks nie

Stefan

Sterkte met die ondersoek maar hierdie ouens is so glibberig as ‘n vis in ‘n emmer snot!