Malema verkla oor uitlatings

Julius Malema. Foto: EFF/Twitter

Julius Malema. Foto: EFF/Twitter

Julius Malema, leier van die EFF, is Donderdag by die Menseregtekommissie (MRK) aangekla oor sy uitlatings oor wit mense ná sy hofverskyning in Newcastle vandeesweek.

Ernst Roets, adjunk uitvoerende hoof van AfriForum, wat die klag ingedien het, meen dit is uiters kommerwekkend dat iemand in Malema se posisie openlik voortgaan om geweld tussen rasse aan te hits.

“Sy uitlatings kom op ’n interessante tyd, aangesien hy binnekort weer in die hof – dié keer in Bloemfontein – moet verskyn op aanklag van aanhitsing tot geweld wat AfriForum teen hom ingedien het in 2014,” het Roets gesê.

Maroela Media het vroeër berig Malema het sy ondersteuners Maandag buite die Newcastle-landdroshof toegespreek waar hy vroeër die dag verskyn het op aanklagte wat verband hou met sy aanmoediging om grond te beset. Volgens Malema is dié wette wat hy na bewering oortree het, “apartheidswette” wat deur die apartheidsregime geskep is en dat hy dit in die hooggeregshof sal beveg.

Malema het onder meer aan ondersteuners gesê wittes is geensins daarop geregtig om grond in Suid-Afrika te besit nie, aangesien wittes “swart volksmoord gepleeg het” toe hulle swart mense van hul grond ontneem het en dat hy wit mense se vrede wil versteur. Hy het voorts gesê dat alle grond in Suid-Afrika aan swart mense behoort en dat dié grond sonder vergoeding van wit mense afgevat moet word.

Die VF Plus het reeds aangedui die party gaan ʼn klag by die parlement se etiek-komitee teen Malema indien omdat hy sy ampseed wat hy in die parlement afgelê het, verbreek het. Die DA het ook vroeër gesê hy gaan Malema by die MRK aankla.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Otter

Malema is baie ambisieus. Miskien verwar Malema mense se geduld met swakheid.

Otter

Ek dink Malema verwar witmense se geduld met swakheid.

Surita

Malemmertjie bring it on moet nie dink Ons gaan terug staan nie en hierdie apartheid stories is all holrug very soek n under verskoning

Raymond

Sluit toe en gooi die sleutel weg hy is n opstoker en sal nie verander nie regte kwaadsteker

Uiltjie

Net gister het ons gelees Malema is n windsak, vandag kla ons hom- hoekom?