Malmesbury-boer op plaas vermoor

Argieffoto: SAPD

Argieffoto: SAPD

ʼn 58-jarige boer is Donderdagaand op sy plaas in Malmesbury in die Wes-Kaap vermoor.

Lt.kol. Andrè Traut, woordvoerder van die polisie, het gesê die boer, sy vrou en nog ʼn man is omstreeks 20:40 deur vier mans in die plaashuis in die Atlantis-omgewing oorval.

“Die boer is doodgesteek. Sy vrou en die ander man is beseer en in ʼn hospitaal opgeneem.”

Volgens Traut het die mans met huishoudelike goedere gevlug en niemand is nog in hegtenis geneem nie. Die polisie ondersoek sake van huisroof en moord.

Thomas van Dalen, AfriForum se streeksverteenwoordiger in die Wes-Kaap, het die boer intussen geïdentifiseer as Neil Greyling. Hy het gesê Greyling is met ’n mes in die hart gesteek en is op die toneel dood.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Cherokee

Een van die gevaarlikste beroepe in die wêreld… plaasboer in Suid Afrika. *Waarom het die sensor-raad nog nie die program ‘Boer soek ‘n Vrou’ belet nie?* En boere, natuurlik is daar geweldig baie gate om toe te maak maar beveilig julself! Nie dat dit enigsins ‘n faktor is maar dit behoort self belastingaftrekbaar te wees. Maar jy weeg nie jou gesin se lewens op teen finansies. Beveilig julself.

Nita

Weerlose mense in die land, se lewe is nie n tiekie werd nie. Die hienas le op die loer en slaan toe en verdwyn dan die bosse in. Om meestal nooit weer gesien te word nie.

Nicolene

Al hierdie nense wat so vinnig skree : beveilig julle self laat my wonder. Gaan jy met vuurwapens na jou werk toe? Het jy wagte om jou as jy by jou dorpshuis uitstap om die tuin nat te maak? Maak droogte en vloede ‘n verskil aan kos op jou tafel en brandstof in jou voertuig? Is jou naaste bure kilometers van jou huis af waar niemand sal hoor as jy ‘n groep van 4 of 5 met vuurwapend probeer afweer met dalk jou enigste .22? Het jy wagte wat jou gesin oppas as jy in die veld ingaan omdat jou… Lees meer »

Tiaan

Josua drie en twintig

Cilla Dugmore

It would be nice if you could get your facts right. The man who was murdered was Neil Griessel and he was not married.