Man (45) beroof, geskiet ná motor op hoofweg onklaar raak

Foto: Pixabay

ʼn 45-jarige man is in ʼn ernstige toestand na die hospitaal geneem nadat hy Vrydagaand beroof en geskiet is enkele oomblikke nadat sy motor onklaar geraak het op die N4-hoofweg net voor die Rosslyn-afrit.

Nick Dollman, Netcare Limited-woordvoerder, sê die man was in ʼn kritieke toestand toe nooddienste net ná 20:00 op die toneel aangekom het.

Volgens Dollman was die man op pad huis toe in die rigting van Rustenburg in Noordwes. ʼn Onbekende groep verdagtes het glo op die man toegeslaan toe sy motor op die hoofweg tot stilstand gekom het.

“Enkele oomblikke daarna is hy deur die rowers aangeval en geskiet,” sê Dollman.

Die man is per ambulans na ʼn nabygeleë hospitaal gehaas. Volgens Dollman moes hy reeds chirurgie ondergaan in ʼn poging om sy lewe te red.

Meer inligting oor die voorval is nie in dié stadium bekend nie. Dollman sê die polisie het ʼn ondersoek begin.

Maroela Media het intussen uit ʼn betroubare bron verneem dat die 45-jarige man oorlede is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Jordaan

Wat ‘n aaklige land woon ons nie in nie!

M'Lady

In plaas daarvan om hulp aan te bied word hierdie man geskiet. Dis die Suid-Afrikaners in die Nuwe Suid-Afrika.

frik van zyl

Mense maak seker julle dra vuurwapens as julle rondgaan , enigiemand se motor kan onklaar raak op die pad , en wat maak jy dan , meeste van die tyd is die naaste hulp kilometers weg , n selfoon is van min hulp as jy aangeval word , jy moet jouself kan beskerm daar en dan en net n vuurwapen en jou kennis daarvan kan dit verseker

Carel 2

Ja en as hy n wapen by hom gehad het en n rower geskiet het was hy nou in tronk

Rooy

Dis baie beter om eerste te skiet en te bly lewe. Jy moet jou self verdedig. In die hof het jy darem ‘n kans.