Man (62) gevonnis vir diamante, mynbou op plaas

Argieffoto: Kent Williamson

ʼn 62-jarige man is Dinsdag in die Schweizer-Reneke-distrikshof in Noordwes gevonnis vir onwettige mynbou asook die onwettige besit van ongeslypte diamante.

Bernhard van Niekerk is een jaar tronkstraf of ʼn boete van R50 000 opgelê.

Kapt. Tlangelani Rikhotso, woordvoer van die Valke, sê die ondersoekspan het Van Niekerk vasgetrek ná ʼn wenk wat die plaas Eerste Begin in Amalia as ʼn plek vir onwettige mynbouaktiwiteite aangedui het.

Van Niekerk, wat nie die eienaar van die stuk grond is nie, het vier ongeslypte diamante ter waarde van R14 000 in sy besit gehad.

Volgens ʼn ondersoek van die televisieprogram Carte Blanche is onwettige mynbou een van die grootste kopsere wat Suid-Afrika in die gesig staar met nagenoeg 14 000 mense wat op enige gegewe oomblik hulself daaraan skuldig maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
cor

Pleks dat hulle aandag aan die plaas moorde en korupsie gee , nou word die ou vir iets so onbenullig gevang, optel goed is vat goed.

Peter

Êrens begryp ek dit ook wel, want misschien heel misschien was het die overtreder/arrestant zyn allerlaatse strohalm wel om aan (extra) geld te geraak,wegens veels te kleine uitkering? Enne werk kry in ZA, dis bysonder moeilyk in de praktyk.

Scalla

En wat van die klomp zama zamas by die goudmyne, onwettige buitelanders wat misdaad bevorder

Ai

Ja sjoe, “onwettige mynbou” is n groot kopseer.. hoe so liewe regering? Volgens julle besit ons al die grond? So hoe is dit dan onwettig.. O ja, want die grond behoort NIE als aan ons nie en die laaste keer wat n Afrikaner n diamant uit die grond uitgehaal het het die Mammon aanbidders dit geruik van ander kant die Meditereense see en oorlog op die Boer volk verklaar en seker gemaak dat net sekere mense alle mynregte in Suid Afrika het….

Vierkleur

Nou wat is ‘n wettige diamand? Kan net ‘n Oppenheimer (Engelsman) ‘n wettige diamand besit?