Man (68) val na sy dood uit woonstelblok

Argieffoto: ER24

ʼn Man, vermoedelik 68 jaar oud, is dood nadat hy Sondagmiddag van die tweede verdieping van ʼn woonstelblok in Pietermaritzburg geval het.

Werner Vermaak, woordvoerder van ER24, sê die voorval het by ʼn woonstelblok in Northdale gebeur. Volgens Vermaak het paramedici net na 13:00 by die toneel opgedaag waar die polisie reeds die gebied afgesper het.

“Paramedici het die man gevind waar hy naby die gebou lê. Volgens omstanders het die man glo van die balkon van ʼn woonstel op die tweede verdieping geval,” het Vermaak gesê.

“Die man is ondersoek, maar ons kon niks vir hom doen nie en hy is op die toneel dood verklaar.”

Die presiese omstandighede van die voorval word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.