ʼn 74-jarige man van Tongaat, KwaZulu-Natal, is ernstig beseer toe hy van ʼn twee meter hoë muur afgeval het. Hy het met die valslag in sy bure se erf beland.
Volgens Prem Balram, woordvoerder van Reaction Unit South Africa (Rusa), is Rusa-beamptes Saterdag omstreeks 11:23 na die woonbuurt Belvedere in Tongaat ontbied.
“Met die beamptes se aankoms op die toneel het hulle die man in ʼn erf op die grond aangetref,” bevestig Balram.
Volgens die mense aan wie die erf behoort, woon die man in die huis langsaan.
“Dié huiseienaars sê hulle het ʼn harde slag gehoor en na buite gegaan om ondersoek in te stel, waarna hulle hul buurman in hul erf op die grond aangetref het.”
Balram sê die man het ernstige beserings opgedoen. Paramedici het hom op die toneel gestabiliseer voordat hy per ambulans na ʼn nabygeleë hospitaal geneem is.
Verstaan in die eerste plek nie wat ‘n 74 jarige op die muur verloor het nie.
Ek is 79 en klim nog op leere, klim nog onder my kar in om hom te diens word elke dag gemaan om dit nie meer te doen nien, maar hoor is min.Die gees is daar maar die vleis wil nie meer so lekker saam speel nie.Ek weet maar sal eers dit erenstig opneem as ek seergekry het.Dan sal daar gevrae word wat de hel soek hy op die leer .
Gebreekte bene op daardie ouderdom heel maar moeilk. n Gebreekte nek heel glad nie.
Sy balans!
Draad spring na buurvrou vir koffie.
2 meter is nie baie hoog nie
Dalk nie maar vir ‘n 74 jarige kan dit baie sleg wees.