Man (80) wreed met messe op plaas aangeval

Argieffoto

Chris du Plooy (80) van Paul Roux in die Vrystaat is Maandagoggend wreed op sy plaas aangeval.

Ao. Lorraine Earle, woordvoerder van die polisie, het aan Maroela Media gesê die voorval het omstreeks 04:00 op die plaas Rexford plaasgevind.

“Die man is deur twee aanvallers oorval terwyl hy besig was om te slaap; hulle het wapens en geld geëis,” het Earle gesê. Die aanvallers het Du Plooy met messe aangerand.

“Die aanvallers het hom van kamer na kamer geneem terwyl hulle die huis geplunder het. ’n Haelgeweer, rewolwer en ’n selfoon is tydens die voorval gesteel.”

Die verdagtes het daarna vir Du Plooy aan die bed vasgemaak en van die toneel gevlug.

“Dit wil voorkom of die slagoffer gedisoriënteerd was en na die pad geloop het waar ’n verbyganger hom opgetel het en na die Paul Roux-polisiestasie geneem het,” het Earle gesê.

ʼn Ambulans is ontbied en Du Plooy is na ʼn hospitaal in Bethlehem geneem vir mediese behandeling. Hy het onder meer steekwonde aan sy nek en bors gehad en was volgens Earle ernstig beseer.

ʼn Saak van huisroof word in die stadium ondersoek, maar nog aanklagte kan later bygevoeg word. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
White Rhino

Huisroof?
Wat van poging tot moord!!

Michael

Huis Roof???????? Liewe Hemel hulle wou die ou OOM vermoor het.

Jackie

‘n Saak van huisroof word tans ondersoek…..en bykomende aanklagte kan later bygevoeg word.
Sjoe, ek sou dink aangesien hy ernstige steekwonde opgedoen het, aanranding met die doel om ernstig of noodlottige gevolge te hê, sou die primêre klagte uit die staanspoor duidelik sou wees…!!!

KOOS 2

Ja nee gaan ons nou net sit en kyk of gaam ons iets aan dit doen niemand gaan ons help nie

Lourene

Hoe gestop word? Het julle gesien Australia moes hul woorde terug trek want wit boere en mense word mos ni vervolg in hul eie land ni, mmmhhh?