Man (84) aangerand, honde doodgeslaan in plaasaanval

Foto: Verskaf

Foto: Verskaf

Die polisie en veiligheidsgroepe is tans op die spoor van vyf verdagtes, wat vanoggend ʼn 84-jarige man op ʼn kleinhoewe buite Bela-Bela in Limpopo oorval en erg aangerand het.

Marius Müller, nasionale veiligheidskoördineerder van AfriForum, het aan Maroela Media gesê John Ramalho was omstreeks 08:00 alleen by die huis op die kleinhoewe in die Roodekuil-gebied toe hy uitgestap het na sy bakkie om dorp toe te ry. Volgens Müller het die verdagtes hom by sy bakkie oorval en ʼn vuurwapen teen sy kop gedruk.

Die aanvallers het Ramalho in die huis in gedwing, waar hulle hom erg aangerand het. “Die oom is baie erg geslaan. Sy hele gesig is opgeswel en hy is baie deurmekaar,” het Müller gesê. “Die aanvallers het ook sy twee bokkie-hondjies sommer daar in die sitkamer met potte doodgeslaan.”

Die kluis wat oopgebreek is. Foto: Verskaf

Die kluis wat oopgebreek is. Foto: Verskaf

Brig. Motlafela Mojapelo, polisiewoordvoerder, het gesê die aanvallers het die huis omgekeer en ʼn ingeboude kluis oopgebreek. Hulle het ʼn haelgeweer, .303-geweer, .22-geweer en ʼn pistool, asook verskeie huishoudelike items, gesteel voordat hulle met Ramalho se bakkie op die vlug geslaan het.

Volgens Mojapelo is die bakkie ʼn maroenkleurige Nissan-dubbelkajuit bakkie met die nommerplaat DNR 516 L.

Die verdagtes het ʼn plaaswerker buite die huis vasgebind. Hy kon homself loswikkel en het na die buurplaas gehardloop om hulp te ontbied. Ramalho het erge kneusplekke en snywonde opgedoen en is na ʼn hospitaal geneem.

Volgens Mojapelo behoort die huis aan Hendrik Jose Felix (65). Maroela Media verneem Ramalho is Felix se oom. “Felix het omstreeks 01:00 vanoggend die honde hoor blaf en uitgestap om ondersoek in te stel. Hy het egter niks gesien nie en toe weer gaan slaap. Die aanvallers het [Ramalho] omstreeks 8:00 oorval,” het Mojapelo gesê.

Niemand is nog in hegtenis geneem in verband met die voorval nie.

Enigiemand met inligting word versoek om kapt. Renier Schutte op 082 565 9051 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

55 Kommentare

jongste oudste gewildste
marous

Lafhartige smeersels!

Ann

Hoekom word weerlose oumense nou getarget? Dis rerig nou nie nodig nie!! Hulle weet die oumense kan hulself nie verdedig nie. Ek hoop oom John sal oky wees.

m

Sterkte aan die oom. Hoekom moes die arme honde so doodgeslaan word. Hierdie mense het net geen respek vir enige iets nie.

Chrizelle

Elke dag lees ons hoe weerlose oumensies, vrouens, kinders en diere wreed aangerand en vermoor word… Hoe moet ons positief bly oor ons land as dit so gaan?? Niemand word ooit gearesteer nie! Jitte man, wat te erg is, is te flippen erg! Sterkte en spoedige beterskap vir die arme oom :(

lulu

O neeeeeee God my Vader help ons ons kan dit nie alleen doen nie Amen