Man aangekla ná hy hond se ore glo afsny

Argieffoto: https://pixabay.co

Waarskuwing: Hierdie berig bevat inhoud wat sommige lesers kan ontstel.

ʼn Saak van dieremishandeling is die afgelope naweek teen ’n man van Hobhouse in die Vrystaat aanhangig gemaak nadat hy glo ʼn hond se ore met ʼn mes afgesny het. Die hond moes intussen van kant gemaak word weens die ernstige aard van haar beserings.

Tebogo Maswanganye, ʼn inspekteur by die Dierebeskermingsvereniging (DBV) in Bloemfontein, sê die hond se eienaars het die DBV Vrydagmiddag oor die voorval ontbied en inspekteurs is dadelik na die huis in Hobhouse.

“Volgens die eienaars was die hond se ore en kop bloedbevlek toe hulle die middag tuisgekom het. Dit was duidelik dat albei haar ore afgesny is,” sê Maswanganye.

Die eienaars het in die buurt rondgevra of enigiemand weet wat met die hond gebeur het en hulle is na ʼn ander inwoner verwys. Hulle het die man gekonfronteer en hy het erken dat hy die hond se ore afgesny het.

“Volgens die man was die hond in sy erf en daar mag nie honde in sy erf rondloop nie. Hy wou die hond glo ʼn les leer.

“Selfs terwyl die bloed oor die man se hande geloop het, het hy nie geskroom om die arme dier verder te martel nie. Dit moes verskriklik seer gewees het.”

Die DBV het die hond na ʼn veearts gehaas.

“Ongelukkig moes die veearts haar van kant maak omdat die snye so diep was en soveel skade aangerig is. Die man het so diep gesny, hy het in die proses haar brein raak gesny.”

Die man sal eersdaags in die landdroshof in Hobhouse op ʼn aanklag van dieremishandeling verskyn.

“Hierdie is een van die ergste vorms van dieremishandeling wat ons by die DBV al teëgekom het. Wat het in die man se kop aangegaan om so wreed op te tree? En dit teenoor ʼn weerlose dier.

“Die DBV het nog ʼn lang pad wat voorlê om dieremishandeling hok te slaan. Ons sal egter nie moed opgee nie en sal toesien dat geregtigheid geskied,” sê Maswanganye.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Debby

Wat verwag jy van iemand wat nie opgevoed is en morele waardes geleer word nie

marie

Dit is verskriklik,,,,,, arme dier!,,

Misky

Mag hy die ergste moontlike straf denkbaar kry. Die trane loop sommer nou en kan nie glo mense kan so wreed wees nie

Eugene

Hooelik sal die landdros in die saak n gepaste vonnis gee. Iets sois 10 jaar

Nell

Wreed, wreed, wreed – sluit toe en gooi die sleutel weg!